قصه و قصيده ...

[ابو مصنت]

قصة الابيات ..

شاعر صغير السن يحب الابل .. وليس لديه الا ناقة واحده مع حوارها ..

وقد المّ بالناقة مرض ومرض صغيرها تبعاً لها ..

ونصحه البعض ببيعها قبل ان تموت .. فاعتبرهم حساداً من باب المزاح معهم!!

وفي احد المرات ذهب اليها ووجدها في حالة مزرية .. وكان قد اشترى لها شعيراً ..

وتمثّل بهذه الابيات..




يا ناقتي ياللي اتلوّى من الجوع=( يفداتس ) كيس من الشعير استرالي
ثنيةٍ في سنها سلّها الجـــــــوع =والغاليـه يرخـص لهــــــا كـل غالــــــــــي
نشرب لبنها والدسم منه منزوع =ونسقيبه اللي تايـه امـــــــن العيالـــــي
ياللي تعذرب ناقتي ترك مقروع=تبغي تعذرب في عــــــزيز الحلالـــــــــــي
الحاسد اللي يلتوي كنه ملسوع =جعله حسود وجعـل شربـه حثالــــــــي



وقد استمروا في نصحه ببيعها وعدم شرب حليبها .. فقال :




الله من قلبٍ تزايـــــــد زفيـــــــــــــره = ويـونّ ونّـة مـن دنـاه الهيامـــــــي
كنها اتلامـــــــس به سلوك الظفيره = يقدح بقيفانٍ ويبـدي نظامـــــــــي
من ناقةٍ ما مثلـــــــها بالجزيـــــــــــره =اليا استقامت وسّطت بالغمامــي
وحوارها في المشي يعجبك سيرة = كنّه غرير ٍ فوق سن الفطامــــي
سمّيتها فــــــــــيروز ولاّ سمــــــــيره = تقبل وتدبر مثـل ظبـي العدامـي
من نسلٌ ناقة صالح المستجــــــيره =عليه من ربي صـــــــلاة وسلامـــــــي






وسلامتكم ..

[فايز الثويمري]

بيض الله وجهك على النقل الرئع للقصه والقصيده

[فوازالمخلفي]

الله يعطيك العافيه ومشكور عل النقل الرائع


بس وشش صار بعدين

[ماجد بن صالح التماري]

ههههههههههه

والله قصه وقيصده ممتعه

سلمني والله عليه يابو مصنت

ماقصرت وتمنياتي لك بالتوفيق

[سلطان احمد]

ماقصرت وبيض الله وجهك

[الامبراطور]

أبو مصنت الله يعطيك العافية على هالقصة

[صعب المنال]

الله يعطيك العافيه ياابو مصنت على هاالقصة الرائعه والأروع منها سردك لها

[ابو مصنت]

اخواني :
فايز بن عيد
فواز المخلفي (اللي صار ياطويل العمر انها ماتت ولم يستفد منها )
ماجد صالح
سلطان احمد
الامبراطور
صعب المنال

اشكركم على المرور