جيب المطاريش

[بعيد الهقاوي]

قم يانديبي فوق جيب المطاريش
الجو غيم والسما تمطر إرشاش
حرك صلاة الصبح وقت المغابيش
القلب هاض وهيضه كل طراش
فوق أشهب" مايركبه كل خدريش
شاص" جديد ومشترينه بعد كاش
الله يجيره من جميع العواكيش
درب السنع ماهوب درب" على ماش
هلت مزون الوسم عقب الرشاريش
تبرق وترعد شوفها ينعش إنعاش
ياما حلا بالبر بسط المفاريش
وحذف الحطب بالنار وبريقنا غاش
وجذب الدلال وصبها دون تشويش
تجلا جميع الهم وتبرد الجاش
مقيالنا في ضل طلح" مهاييش
في جلسة" ماهيب تحتاج لفراش
خوة نشاما" كلبوهم مداغيش
مافيهم الخايب ولافيهم الاش

[ماجد بن صالح التماري]

صح لسان شاعرها

وبيض الله وجهك يالغالي

تمنياتي لك بالتوفيق

ياليت تركز بس وين تحط مواضيعك
وتختار القسم المناسب لها

[فوازالمخلفي]

الله يعطيك العافيه وما قصرت

[سلطان احمد]

ماقصرت و بيض الله وجهك