من قصائد الشاعر الكبير لافي الغيداني

[عالي القمم]

[مايبرد واهـج الشـوق وشعـور الهيـام ***غير سرداً تطوي البعـد بالسرعـه طـوي

بديها من خلف ماهوب مثلـه مـن امـام***مستوي في حال .. وبحال ماهو مستـوي

خشمها عبرود طلقه .. وموخرهـا بهـام***رافعـه راعـيـه بـأشـارة ٍ ماتنـغـوي

لابدو دعاء السفر .. واعلنو ربط الحـزام***ورشادات الامن لـو ترتطـم والا تهـوي

واستلمها واحـد ٍ خبرتـه عشريـن عـام***كبتـن ٍ بالله وبكتابـه إيمـانـه قــوي

مسلـم ٍ عنـده خبـر بالحـلال وبالحـرام***جابله ربي على الديـن وسلوكـه سـوي

وصعدت مثل اشقر ٍ فوق جول الصيد حـام***لمراوحهـا مـع الجـو لجـه وحــدوي

مثل مايدوي صدى صـوت رعـاد الغمـام***صوتها صـداه عبـر الفضـا يـدوي دوي

صنعة اللي ماعرفـوا لاصـلاة ولاصيـام***شعب ٍ أكثرهم ماهو عـارف ٍ منهـو ذوي

بالنهـار لياتعلـت كبـر فـرخ الحـمـام***دونهـا الاف المسـافـات تزويـهـا زوي

وان تغطلس بينك وبيـن رؤيتهـا الظـلام***كن في روس اجنحتهـا مشاهيـب بـدوي

دوبهم دكـو عـن دلالـه الربـع الحشـام***تحتها من وقـدة السمـر جمـر ٍ مجثـوي

دايم وربعه علـى جلسـة ٍ عنـده حيـام***ابلـج ٍ ليـن جنابـه لربعـه وحـمـوي

مالي الا هي .. لياجـا للاشـواق أحتـدام***وقامت الذكرى على القلب تكوينـي كـوي

لي شهر وشوي عينـي محاربهـا المنـام***ودي احضـر جـوازي وادورلـي خـوي

بينـي وبينـه مسافـات وحـدود ونظـام***واحـد ٍ فرقـاه شاويتـن فـوادي شـوي

بس ابـا ازوره مثـل مايـزارون الكـرام***لين عيني مـن قبالـه وشوفـه ترتـوي

لو بغيت اصبر .. واكابر .. واقول اني تمام***ذيب حبه بيـن جـرد المحاديـب يعـوي

كان مالي في دروب الهـوا شـف ومـرام***لين شفته .. واشهد انه هـواة المهتـوي

ياسـلام الله علـى السلهمـه والابتسـام***وياسلام الله على اللـي مابيلـه مطـروي

كن مالله حط في منطقـة خصـره عظـام***وكن غيره ماحتوى مثـل ماهـو محتـوي

لاقعـد مـاوده يقـوم .. ولياقـام قــام***تلوي اعناق البشـر قومتـه يمـه لـوي

تقل بين اعلا الجسم واسفل الجسم انقسـام***شي من جسمه مرتـب وشـي ٍ فوضـوي

استلمنـي فـي جبروتـه اشـر اسـتـلام***ليـن طيّـح معنويـات راس المعـنـوي

الغـرام ليابطـش فيـك ملعـون الرسـام***مايعرف هـذا قبيلـي .. وهـذاك خلـوي

يكبـر الرجـال امـام المهمـات الجسـام***ويصغر الرجـال امـام الجمـال الانثـوي

مايتحمل نظرة العيـن .. وارخـاي اللثـام***لو باسه باس رحمـة حيـاة بـن جلـوي

[ماجد بن صالح التماري]

صح لسان الشاعر / لافي الغيداني


وبيض الله وجهك يابو صالح
تمنياتي لك بالتوفيق والى الامام

[عالي القمم]

بيض الله وجهك ياماجد وماقصرت على المرور

[سلطان احمد]

صح لسان الشاعر

و الله يعطيك العافية ابو صالح

[ابراهيم حمود البتال]

الله يبيض وجهك يامشرفنا العزيز على هالنقل الرائع
وعلى هذا المجهود الذي يخدم المنتدى وزواره
تقبل تحياتي ولك مني خالص الشكر والتقدير.......

[عالي القمم]

الله يعافيكم ويبيض وجيهكم

[الامبراطور]

بيض الله وجهك

وصح لسان الشاعر لافي

[إبن العيثمة]

يكبـر الرجـال امـام المهمـات الجسـام***ويصغر الرجـال امـام الجمـال الانثـوي

صح لسان أبوحمود

وبيض الله وجهك على النقل

[عالي القمم]

الله يعطيكم على الردود وبيض الله وجيهكم

[ابو طلال السافري]

صح لسان الشاعر الكبير لافي ويعتبر من شعراء حرب المميزين
وشكرا لعالي القمم

[راعي قرعوطه]

تسلم عالي القمم

الله يعطيك الف عافيه على نقل هذه القصيده الرائعه


مايتحمل نظرة العيـن .. وارخـاي اللثـام***لو باسه باس رحمـة حيـاة بـن جلـوي

بيت مسكت


صح لسان الشاعر لافي

[(الذيب)]

صح لسان الشاعر الرائع شاعر حرب لافي الغيداني والف شكر ياعالي القمم على وضع القصيده فمنتدانا

[نابت المخلفي]

صح لسان الشاعر لافي حمود الغيداني
وتسلم يد ناقلها

[ابو ساهر المخلفي]

بس ابـا ازوره مثـل مايـزارون الكـرام***لين عيني مـن قبالـه وشوفـه ترتـوي

لو بغيت اصبر .. واكابر .. واقول اني تمام***ذيب حبه بيـن جـرد المحاديـب يعـوي

كان مالي في دروب الهـوا شـف ومـرام***لين شفته .. واشهد انه هـواة المهتـوي


شكرا لك على هذه القصيده وصح لسان لافي الغيداني

[شبل حرب]

مشكوووووووور وبيض الله وجهك