ابوفيصل المخلفي
27-01-2008, 05:29 PM
على الهون ياهم(ن) خفق للضلوع العوج
ترفق ترفـق ماأنـت الأول ولا الثانـي
هموم(ن) تداحم وسط قلبي سواة الموج
على قلبي أهونهـا ليـا ثـار بركانـي
وأحاول تناسيها وأسج القـدم وأدوج
أحاول وأحاول مار ماهـي بالإمكانـي
عسى الله يهونّها على الخاطر المزعـوج
وترى الصبر في تاليه مسك(ن) وريحانـي
مادام إن راع الحجّة الباطلـة مفلـوج
أكيـد الحقايـق ماتبـي زود برهانـي
ولا صار مبدأ أهل النمايم سعي وهروج
مبادي عزيز النفس . . أنا إلساني حصاني
ومادام إن راع الكبر بين العرب مسهوج
ترى الكبر وأصحابه من ألـد عدوانـي
ومدام إن باب الطيب من عندهم مزلوج
أنـا للـردى مانـي بفتّـاح بيبـانـي
ولاني بناهج لي طريق(ن) ماهو منهـوج
على منهج أهل العز والطيـب تلقانـي
منقول للشاعر/ خالد العريمة
ترفق ترفـق ماأنـت الأول ولا الثانـي
هموم(ن) تداحم وسط قلبي سواة الموج
على قلبي أهونهـا ليـا ثـار بركانـي
وأحاول تناسيها وأسج القـدم وأدوج
أحاول وأحاول مار ماهـي بالإمكانـي
عسى الله يهونّها على الخاطر المزعـوج
وترى الصبر في تاليه مسك(ن) وريحانـي
مادام إن راع الحجّة الباطلـة مفلـوج
أكيـد الحقايـق ماتبـي زود برهانـي
ولا صار مبدأ أهل النمايم سعي وهروج
مبادي عزيز النفس . . أنا إلساني حصاني
ومادام إن راع الكبر بين العرب مسهوج
ترى الكبر وأصحابه من ألـد عدوانـي
ومدام إن باب الطيب من عندهم مزلوج
أنـا للـردى مانـي بفتّـاح بيبـانـي
ولاني بناهج لي طريق(ن) ماهو منهـوج
على منهج أهل العز والطيـب تلقانـي
منقول للشاعر/ خالد العريمة