الغريب
03-02-2008, 05:09 PM
ياراكب الي ماورد من بلد بوش = عليه لليابان رمز ومواري
في اكس آر اسمه على الباب منقوش = ومصممينه للمدن والصحاري
شكل الجناح بالمؤخر تقول طربوش =ماهو مرهم بالمحل التجاري
لاناشته رشه ولادق شاكوش = ولادار ويله بين بايع وشاري
نزل من الميناء على ساحه الحوش = ابناخي الكزس عدو السفاري
يزعل من النمره لياناشته نوش = وعند الدبل يعلن ظروف الطواري
مثل الشجيع اليااعتزى حزة الهوش = وهز القناه وقال يابا الثواري
ولياشتغل واقف تقول ينقد قروش = صوت المذيعه بالقرار الوزاري
يسرح صلاه الصبح من حي فدغوش = لياطرى في بعض الاحيان طاري
لياصار ماتملك من الذود قنطوش = ولانته مولع بالقنص والحباري
ومليت من جو المدينه ومديوش = وتبغى تسلي خاطرك بالبراري
نصه لرجال على الطيب مدهوش = الي بفعله كل حربي يماري
قال الطهيمي قلت نعمين واشوش = حربي وابين فرحتي وافتخاري
راعي مضيف به مسايير وطروش = والكيف يدرج وزرق العود جاري
وله مجلس من زل شيراز مفروش = شيد من اجل الطيب ماهو جباري
ومزينه حب الولع لام دندوش = اللي لها تو الحوير يماري
وضح وبرهن تقل بالثلج مرشوش = من حر ماله ماكسبهن عواري
وان كان بكره حاشن الجايزه حوش = والله لأشجع طول صوتي واماري
موقف شريف ماهو مزيف ومغشوش =يسوى الرصيد بكل بنك عقاري
في اكس آر اسمه على الباب منقوش = ومصممينه للمدن والصحاري
شكل الجناح بالمؤخر تقول طربوش =ماهو مرهم بالمحل التجاري
لاناشته رشه ولادق شاكوش = ولادار ويله بين بايع وشاري
نزل من الميناء على ساحه الحوش = ابناخي الكزس عدو السفاري
يزعل من النمره لياناشته نوش = وعند الدبل يعلن ظروف الطواري
مثل الشجيع اليااعتزى حزة الهوش = وهز القناه وقال يابا الثواري
ولياشتغل واقف تقول ينقد قروش = صوت المذيعه بالقرار الوزاري
يسرح صلاه الصبح من حي فدغوش = لياطرى في بعض الاحيان طاري
لياصار ماتملك من الذود قنطوش = ولانته مولع بالقنص والحباري
ومليت من جو المدينه ومديوش = وتبغى تسلي خاطرك بالبراري
نصه لرجال على الطيب مدهوش = الي بفعله كل حربي يماري
قال الطهيمي قلت نعمين واشوش = حربي وابين فرحتي وافتخاري
راعي مضيف به مسايير وطروش = والكيف يدرج وزرق العود جاري
وله مجلس من زل شيراز مفروش = شيد من اجل الطيب ماهو جباري
ومزينه حب الولع لام دندوش = اللي لها تو الحوير يماري
وضح وبرهن تقل بالثلج مرشوش = من حر ماله ماكسبهن عواري
وان كان بكره حاشن الجايزه حوش = والله لأشجع طول صوتي واماري
موقف شريف ماهو مزيف ومغشوش =يسوى الرصيد بكل بنك عقاري