الله من هم بروحي سهجها

[الغريب]

الله من هــم بروحي ســـهجها = بخافى ضميرى فـى كنين الحشا لاج
احـرمن نار تواقــد وهـــجها = منهاخطر روحـى على ســلك ديباج
وعين عسى المولى يعجل فـرجها = يفوح ناظرهـا كما عــين هــداج
استرسلت للدمع من ما رهـــجها = غـــيظ يكظ عبارها مثل الامـواج
كـــم واحــد له غاية ما هرجها = يكنها لو هو للادنـين محــتاج
يخاف من عــوجا طــوال عوجها = هــرجـة قـفا يركض بها كـل هـراج
يقضب عـليك المخطيه من حججها = حلو نباه وقلبه اسود من الصـاج
الله خلق دنيا وسـاع فجــجها = وعن ما يريب القلب لك كم منهاج
والرجل وان شـطت لياليك سجها = عســى تواليها تبشــر بالافـراج

الشاعر محمد الاحمد السديري

[سلطان احمد]

الله يعطيك العافية


صح لسان الشاعر محمد

[ماجد بن صالح التماري]

كم واحد له غاية ما هرجها=يكنها لو هو للادنين محتاج

يخاف من عوجا طوال عوجها=هرجة قفا يركض بها كل هراج






رحم الله الشاعر الامير محمد الاحمد السديري

شاعر تحتوي كل قصائده على الحكم ومهما كتبنا لن نوفيه حقه

الف شكر لك اخي العزيز على هذا النقل الرائع والجميل

تمنياتي لك بالتوفيق والى الامام