ماهو أجمل بيت(أبيات)سمعتها في الإبل أو الخيل؟؟

[عالي القمم]

بسم الله الرحمن الرحيم
السلام عليكم ورحمة الله وبركاته
كيف حالكم ياأبناء عمي إنشاء الله بخير
ماهو أجمل بيت(أبيات)سمعتها في الإبل أو الخيل؟؟
سجلها هنا في محاولة لجمع أفضل ماقيل في الإبل والخيل
أما أنا أجمل ماسمعت في الإبل أبيات لشاعر لاأعرف من قائلها ولاكن اعجبتني .
قصيدية في وصف للمجاهيم :-



ويارب تبعدني عن دروب الأنجاس = وترزقني ذود من المجاهيم ناهي
منقية ٍ زينة ومعروفة الساس = سبال حديهن كنه سبال فاهي
والا لحاهن وافي وماله قياس = ومشرب حديهن مثل ماقيل راهي
وياشفت عرانيهن تقل شايف قواس = وخد ٍ طويل ومعه عرض الجباهي
واذانهن كأنها حراب حراس = أو أسهم ٍ تدلك الاتجاهي
وعلى حديهن راس ٍ يهول الراس = من كبره لروس الفحوله يضاهي
غير رقبتها الي تقل رسم كراس = (عريضة الجنبين واللون زاهي)
والطول لا شفته تبي تقول لا باس = يخدعك جل عظامهن الدواهي
ومع السنام المنفهق ذيل يحتاس = الي وصفه والوصف تلقاه واهي
واخفافها كبار وعراقيبها يباس = وممشاها مغرور ٍ بلبسه يباهي
ويبرا لهن جيب ٍ عليه اربع اكباس = شاص ٍ جديد ومالصنعه شباهي
أنا اشهد ان الذود عز ٍ ونوماس = ياعل يفدا الذود كل الشياهي

[راعي المجاهيم]

ماقصرت يامشرفنا العزيز على هذا الطرح المميز الذي يخصنا نحن
اهل الابل بالدرجه الاولى واحب ان اشارك في قصيده لي في
مدح الابل المجاهيم اختار منها بعض الابيات :

عليك بالي شوفهن يطرب اطراب &&&&&& ياحلو مفلاهن بقاع ونفودي
سود ينومس من مشى معهن اشناب &&&&&& الي مزاياهن عراض الخدودي
حداد الاذاني كنها حربه حجاب &&&&&& هزع المواخر حرش فج العضودي
معكرشات اوبار مع دق الارقاب &&&&&& هدف الخشوم مبعدات المدودي

[مخلفي نت]

لله درك يابو صالح على هذا الموضوع الرائع واعدك في المشاركه. وهذه الابيات كتبتها على عجاله رداً على راعي المجـــــــــــــــــاهــــــــيــــــــــــــم :

الله يجيرك من صواديف الاسباب ,,,,,,,,,,, ياللي على الطولات ترقى السنودي
على المراجل متعب رجلك اتعاب ,,,,,,,,, سهل [ن] عليك اللي لغيرك يكودي
راعي مجاهيم بها معجب اعجاب ,,,,,,,,,,,,, الله يكافيها عيون الحسودي
ماتستمع في قول ناقد وعياب ,,,,,,,,,,,,,,,,لعيونهن ترخص كثير النقودي

وشكراً لــــــــــــــــــكـــــــــــــــــم جمـــــــــــــــيـــــــــعا

[الأماكن]

لاصـــــــرت بالصمان والقيظ حاديك إشـــــرب حليب نياق خل عنك المرندا

[فيصل]

من اجمل قصيده في االابل سمعتهاء


ياعل دار تربه شمخ النيبي=تاخذ ثمان اجبة(الايام) والسحب تدبها


من طلعة النور لحل المغايبي=سحب تعاقب مع نكبا(الكوس) تلاعبها


من مزنة كن باطرافه لواعيبي=كن النمش ينفضونه في جوانبها


يسيلنا مدهل العرب(1) الحنازيبي=لين الملازم تملاله مواهبها


من زور لوذان لضلع المراقيبي=في كل جوٍ امشارعة ذواهبها


لما تشيل الشحم بيضا محاقيبي=ويصير مثل الوقايا فوق غاربها


يبني عليها الشحم مثل المهاظيبي=احجوز خلف السنام وقدام حاجبها


كوده يدير الفلك للفطر الشيبي=ارفع لها الشان ياداير هبايبها


اطرح لها الغيث من سود المهاديبي=لين الزماليق تنبث في خبايبها


غبوقت الضيف في حل المواجيبي=سند الغوارب جليلاتٍ محالبها


يازين بشعوفها شوف الدباديبي=ويازين بظهورها شوفت جنايبها


ويازين لروحت من خايع الطيبي=سحج العشاير تراطمبه ضرايبها


لوحت هديرالجمل كنها معاطيبي=كن الخيل مع مجل الورك ضاربها


وان عاج عمره لها تطنب تطانيبي=مزين تكيفخ على الحاجب سبايبها


واللي ترزم تصوته تلحق الصيبي=مزين زغيمه على الساقه يجاذبها


وان وردوا فوق عدٍ له تناديبي=والكل منهم بصوته قام يندبها


بقران حادي(2) وفي حر اللواهيبي=ريح العبس فايحٍ والقيظ حاظبها


واليانهمها غدا عنده تحاطيبي=أطرافها ترتكيله في مناكبها


وان شافت الدلو من بين الجواذيبي=مزين تليطم على الطاره شواربها


كم واحدٍ عندها حلى عشا الذيبي=ولانبياء عندها طارت عصايبها


تكفون ياللي تعرفون المواجيبي=اغلوبها واحربوا من كان حاربها


تكفون لا ترخصونه يالمعاطيبي=يوم اهزلت حالها والوقت خانبها


يابد من خايعٍ نبته تعاجيبي=وان رودمت قصبها توفي مطالبها


يازين لا روحت وانحت جناديبي=من عقب شده وضو البيت تجذبها


يازين خلفه تعيوال الملاهيبي=خلفٍ مصاغير حيرانها تعاقبها


وان وقف اللقح من بني الاطانيبي=حيرانها والشذا مزين تليعبها


تمت بذكر الله اللي يعلم الغيبي=عدة نجومٍ تناحت في مغايبها
[/poet]

الشاعر / حبيب حمد حمدان الدليهي الخالدي يرحمه الله

[عالي القمم]

لا والله الاّ شـدوا البـدو مقفـيـن=ينوون دارٍ وسمهـا وابلـه جـود

جاهم صدوق العلم قدهـم مندّيـن=وأقفوا بقطعـانٍ تواصيفهـا سـود

إبلٍ مجاهيـمٍ تحـوز الحـلا زيـن=ما فرّطوا فيها على العسر والكـود

سودٍ كما الغربان أو كحلـة العيـن=قدمي شحمها كنّه نصـال ولهـود

فج المناحـر والغـوارب ذراعيـن=والورك باب القصر ومن طوفته زود

وإذنين مثل حراب جنـد السلاطيـن=والعرف يا سبحان من صاغه جعود

ما تلحق الخضره من سبالها ليـن=قد للعرب شهرين من زمة العـود

لا قرّبوا منها مـع القـدر قدريـن=فاضت ويبقى فـي مواخيرهـا زود

وإلى تكلّم مـن هواهـا بصوتيـن=تكسر له الحقّه له الشوف مشـدود

زين إرزمتها حزة الناس ممسيـن=تنهض صغيرٍ تالـي الليـل مالـود

واليا تخطّا من عقب وقـم يوميـن=ما عاده من الشد والسير مضهـود

شدوا على شف المجاهيم عجليـن=ما قهقروا الطرعات بشبوك وقيـود

واليا وصلوا قاعٍ تشـوق المفليـن=صفّارها يلعـب إلـى هبّتـه نـود

بنّـوا بيـوتٍ كنّهـا زرع يبريـن=وطقّوا لمنزلهم من الـذود مفـرود

وشبّوا هشيمٍ ما توهجـم ببنزيـن=ودنّوا دلالٍ تحتوي الهيـل والعـود

وتحدّثوا من ذودهـم والحشاويـن=ومسراحها والكسب والفال محمـود

من صوت جرّتها فراحـا وطربيـن=تدحن منارتهـم غواليّهـا السـود

ذاك الزمن والبدو مثـل السلاطيـن=ما حسّبوا للمال والنقـص والـزود

الله يحـب اللـي يحـب البداويـن=واللي نساهم ميّـت الحـظ مقـرود



شعر / محمد بن شرهان الدحابيب

[فايز الثويمري]

مشكور يابو صالح على الموضوع الجميل
وهذي قصيده في الــخــيل


يا مـن نـقـلـتـي مــن سـلالـه وسـلــه
صـنـع الفـرنـجـي والـعـيـال الـمـداهـيـش
تـغـديـن مـــع شـــول تـبـاريــن جــلـــه
لا جــا مـــن الـضــد الـمـجـاور خـتـاريـش
لا صـاح صـياح لاضـحـى وفـزعـن لــه
جــــرد الـسـبـايـا مــــع زراج الــنـشــايــش
وتـبـيـنـت مــــع راس حــدبــاء مـطـلـه
وشيـف لاسلـف قـد شـرعـوا بـه هـل الجـيـش
لاجــــن بـيـديـهـن يـطـرقــن الإجــلــه
ضـــــرب الـحــوافـرمــثـل دق الـمـهــابــيــش
تــواردن مـثل ورد الـقـطـا واقـبـلـن لــه
وكـثــرت صـوايــح نافـقـضـات الـعـكـاريــش
يـنـخـن شـغـمـوم عــلــى عــــادة لـــــه
عـلـيــه جـوخــه والــمـــزرج غــلـــب ريــــش
مــا قـــط شـافــوا لـــه بـالاكــوان ذلــه
يـنـطــح ســـهـــوم مــخــالــفــات الــنــواتــيــش
عـنـدك خـبـر مـن هـاش مـن دون حـلـه
مايـنــطــحــه بــالــهــوش حـــمــر الــطـرابـيـش
هــــذاك هــــو دوره وهــــذاك خــلـــه
لاواصــلــوا الـمــــظـهـــور والا الــقــنــاطــيــش
الـيـوم لـــك مـــا بـيــن ددســـن وفـلــه
انــشــدك عــن راعـــيــه ركــضــه عــلــى ويــش

[شيخ مخلف]

يازين سج القدم بارضن ممطوره@ مع درب ذودن يهض القلب ممشه

[امير مخلف 111]

مشكور الله يعطيك العافية