ابو مهند
12-02-2008, 11:25 PM
القصه عن فتاه من اهل المنطقه الشماليه
كانت بدويه تسرح عند إبل اهلها وتقابل لها واحد دايما وتحبه ويحبها حب عفيف وكان يخطط على خطبتها بس العايق الوحيد ان واحد من عيال عمها محجرها وحالف ان قرنها الاشقر ما يلتوي الا على يمينه وذا اللي يحبها مهوب من جماعتها
وفي يوم من الايام يوم رجعت من البل لقت في جنب بيتهم ( بيت الشعر ) بيت جديد مبني سألت امها عن البيت من هو له قالت لها امها ان ذا بيتها هي وهباس ( اسم ولد عمها ) قالت لأمها انها تحب واحد وحالفه انها ما تزوج الا هو قالت امها هباس في بيت ابوه روحي واطلبيه يفك حجريكي وتعوذي منه يمكن يفك حباكي .
راحت له البنت ولقت عنده رجال ودخلت عليهم وقالت اني طالبتك بوجيه الرجال اللي عندك انك تتركني في سبيلي" ما ابيك "
ضحك وقال انا قايل ان ها القرن الاشقر والله ما يلتوي الا على ذراعي حيه والا ميته .
رجعت للبيت وجهزت السم وراحت به لأمها وقالت لها اللي صار معه وقالت انا حالفه انه ما ياخذني وانا اسلم عليكم وشربت السم .
مااااااااتتتتتتتتتت
هباس ولد عم البنت قبل ما يدفنونها طلع قرنها ولواه على يمينه وهي ميته ومن شدة الفقر ما كفنوها وادفنوها بملابسها
وقال يميني ووفيت به
أهلها ما لقوا احد يسرح عند ابلهم واستأجروا واحد من عيال جيرانهم يسرح عند البل وكان الولد صغير سن .
حبيبها صار يترددعلى ابلها ويلقى الولد سأل ولد وين البنت اللي كانت تسرح عند البل سأله الولد ليه تسال قال لاني مضيع لي ابل ويذكرون ان فيه بنت جتها الابل وطردها وابي أسألها عنها وين طردتها قال الولد البنت يقولون انها شربت سم وماتت
ما صدق قال في نفسه أكيد ان احد شافني معها وردوها لا تسرح وقالوا للولد إذا سأل عنها احد قل انها شربت سم وماتت قال احسن لي ارسل قصيده لواحد من ربعها اللي امون عليهم واسأله وش صار بالضبط قال يا ولد تعرف واحد اسمه منير قال الولد أعرفه قال انا بعطيك رساله وصها له واذا قراها وحصل البل بيرسها لي قال الولد هاتها
استلم منير الرساله الا هويقول فيها
يا منير ما جاكم عن الترف ذكـار****صحيح وان صخيف الروح غـــادي
صحيح والا طنبلـة علـم قمـــــــار****او جا عنه راع العلوم الوكـــــادي
وكنك ضربت الكبد نطحٍ بمسمار****من يوم قيل الموت للترف صادي
وانس على كبد كما حر مخطـــار****شي جرا جاللبـلا مـن فـــــــوادي
ودك لوالدنيا تصنـت للاشـــــــوار****والموت ياتي لـه نذيـرٍ ينـــــــادي
يوم قرا منير القصيده ما كان يدري عن اللي ارسل له من كان يحب بس قال اكيد ان اخر من مات اللي شربت السم وانه كان يقصدها ورد عليه يقول
صحيح ماهي طنبلـة علـم قمـــــــــار****وانا عنـه راع العلـوم الوكــــــــادي
دنياك هذي ما تصنـت للاشــــــــــوا ر****تضرب على مشهات نفسه عنـادي
لوشاورتنا كـــان ما حق مـا صـــــــــار****نفدي بناسٍ عـن ظبـي الحمــــادي
ياحيف ياعضودٍ كما وصـــف جمـــــار****يودعهـن القبـر المهبـا سمـــــــادي
ونهود حدر الجيب غضات الاثمــــــــار****والدود ياكـل مغتـرات الثنـــــــادي
وشقرٍ ضفرهن طولهن خمسة اشبار****يعبا لهن غير الرشـوش الزبـــــادي
وياحيـــف ياهبـــــــاس للتــــــرف قبـار****هبس قرونه عقب ما هـن بعـــادي
وسلامتكم
للامانه منقول من احد المنتديات المشاركه باسم عبدالله العصيمي
كانت بدويه تسرح عند إبل اهلها وتقابل لها واحد دايما وتحبه ويحبها حب عفيف وكان يخطط على خطبتها بس العايق الوحيد ان واحد من عيال عمها محجرها وحالف ان قرنها الاشقر ما يلتوي الا على يمينه وذا اللي يحبها مهوب من جماعتها
وفي يوم من الايام يوم رجعت من البل لقت في جنب بيتهم ( بيت الشعر ) بيت جديد مبني سألت امها عن البيت من هو له قالت لها امها ان ذا بيتها هي وهباس ( اسم ولد عمها ) قالت لأمها انها تحب واحد وحالفه انها ما تزوج الا هو قالت امها هباس في بيت ابوه روحي واطلبيه يفك حجريكي وتعوذي منه يمكن يفك حباكي .
راحت له البنت ولقت عنده رجال ودخلت عليهم وقالت اني طالبتك بوجيه الرجال اللي عندك انك تتركني في سبيلي" ما ابيك "
ضحك وقال انا قايل ان ها القرن الاشقر والله ما يلتوي الا على ذراعي حيه والا ميته .
رجعت للبيت وجهزت السم وراحت به لأمها وقالت لها اللي صار معه وقالت انا حالفه انه ما ياخذني وانا اسلم عليكم وشربت السم .
مااااااااتتتتتتتتتت
هباس ولد عم البنت قبل ما يدفنونها طلع قرنها ولواه على يمينه وهي ميته ومن شدة الفقر ما كفنوها وادفنوها بملابسها
وقال يميني ووفيت به
أهلها ما لقوا احد يسرح عند ابلهم واستأجروا واحد من عيال جيرانهم يسرح عند البل وكان الولد صغير سن .
حبيبها صار يترددعلى ابلها ويلقى الولد سأل ولد وين البنت اللي كانت تسرح عند البل سأله الولد ليه تسال قال لاني مضيع لي ابل ويذكرون ان فيه بنت جتها الابل وطردها وابي أسألها عنها وين طردتها قال الولد البنت يقولون انها شربت سم وماتت
ما صدق قال في نفسه أكيد ان احد شافني معها وردوها لا تسرح وقالوا للولد إذا سأل عنها احد قل انها شربت سم وماتت قال احسن لي ارسل قصيده لواحد من ربعها اللي امون عليهم واسأله وش صار بالضبط قال يا ولد تعرف واحد اسمه منير قال الولد أعرفه قال انا بعطيك رساله وصها له واذا قراها وحصل البل بيرسها لي قال الولد هاتها
استلم منير الرساله الا هويقول فيها
يا منير ما جاكم عن الترف ذكـار****صحيح وان صخيف الروح غـــادي
صحيح والا طنبلـة علـم قمـــــــار****او جا عنه راع العلوم الوكـــــادي
وكنك ضربت الكبد نطحٍ بمسمار****من يوم قيل الموت للترف صادي
وانس على كبد كما حر مخطـــار****شي جرا جاللبـلا مـن فـــــــوادي
ودك لوالدنيا تصنـت للاشـــــــوار****والموت ياتي لـه نذيـرٍ ينـــــــادي
يوم قرا منير القصيده ما كان يدري عن اللي ارسل له من كان يحب بس قال اكيد ان اخر من مات اللي شربت السم وانه كان يقصدها ورد عليه يقول
صحيح ماهي طنبلـة علـم قمـــــــــار****وانا عنـه راع العلـوم الوكــــــــادي
دنياك هذي ما تصنـت للاشــــــــــوا ر****تضرب على مشهات نفسه عنـادي
لوشاورتنا كـــان ما حق مـا صـــــــــار****نفدي بناسٍ عـن ظبـي الحمــــادي
ياحيف ياعضودٍ كما وصـــف جمـــــار****يودعهـن القبـر المهبـا سمـــــــادي
ونهود حدر الجيب غضات الاثمــــــــار****والدود ياكـل مغتـرات الثنـــــــادي
وشقرٍ ضفرهن طولهن خمسة اشبار****يعبا لهن غير الرشـوش الزبـــــادي
وياحيـــف ياهبـــــــاس للتــــــرف قبـار****هبس قرونه عقب ما هـن بعـــادي
وسلامتكم
للامانه منقول من احد المنتديات المشاركه باسم عبدالله العصيمي