ماجد المخلفي
15-02-2008, 03:07 PM
بسم الله الرحمن الرحيم
دخيل الحربي رجل شجاع وشهم اشتهر بالحوافة(حنشل) واخذ الابل من القوم
حيث كان رحمة الله له جار مطيري من الصعران من مطير وبعد مدة توفي المطيري وكان له ولد وبقي الولد هو وامة بجوار دخيل الوسيدي حتى كبر الولد وبلغ سن الرشد وفي يوم من الايام قال الولد لدخيل :يادخيل ودي اخاويك اذا رحت هالمرة قال دخيل :ياولدي انت صغير سن ولاتقدر تصبر على الجوع والعطش والخوف وضيم الرجال والخوف من أبن رشيد اللي اذا مسك احد حايف ذبحه
المهم اصر الولد وأخذه دخيل بعد ما قال لامه
وقالت :خذه معك يادخيل وتراه امانة معك عن ضيم الرجال واللي يجي من الله ماني رادته .
وراحواوحافوا عرب واخذوا ابلهم ولحقوهم اهل الابل وامسكوهم وسلموهم لابن رشيد واخبروه بما حصل من هذين الرجلين فقال أبن رشيد اذبحوهم فقال دخيل هذا ولدي ومالي غيره احد وأمة عجوز كبيره واذا كنت مصمم على ذبحنا فاذبحني واعتقه لامه الله يعتقك من النار فقبل ابن رشيد وذبح دخيل الوسيدي وبعد مدة درى ابن رشيد عن قصة هذا الحربي الشهم الذي فادى بنفسه دون جارة وندم على فعلتة ولما رجع الولد المطيري سألته امه عن خوية واخبرها بالقصة فبكت وحزنت على جارهم الشهم الذي حفظ الامانة فتمثلت بالابيات التالية:
البارحه عيني حريب لها النوم
...............................تسوقهاعبرات سود الليالي
تقول في عيني سماليل وهزوم
..............................وأنحب ولأني في نحيبي لحالي
حان القدر والليحصل صار مقسرم
..............................الله يبيحك يادخيل البلالي
مرحوم ياريف المساكين مرحوم
..............................اللي فدا بروحه شريدة عيالي
الأجنبي عنده مقدر ومحشوم
..............................وأبدى عليه من الرفيق الموالي
دخيل الحربي رجل شجاع وشهم اشتهر بالحوافة(حنشل) واخذ الابل من القوم
حيث كان رحمة الله له جار مطيري من الصعران من مطير وبعد مدة توفي المطيري وكان له ولد وبقي الولد هو وامة بجوار دخيل الوسيدي حتى كبر الولد وبلغ سن الرشد وفي يوم من الايام قال الولد لدخيل :يادخيل ودي اخاويك اذا رحت هالمرة قال دخيل :ياولدي انت صغير سن ولاتقدر تصبر على الجوع والعطش والخوف وضيم الرجال والخوف من أبن رشيد اللي اذا مسك احد حايف ذبحه
المهم اصر الولد وأخذه دخيل بعد ما قال لامه
وقالت :خذه معك يادخيل وتراه امانة معك عن ضيم الرجال واللي يجي من الله ماني رادته .
وراحواوحافوا عرب واخذوا ابلهم ولحقوهم اهل الابل وامسكوهم وسلموهم لابن رشيد واخبروه بما حصل من هذين الرجلين فقال أبن رشيد اذبحوهم فقال دخيل هذا ولدي ومالي غيره احد وأمة عجوز كبيره واذا كنت مصمم على ذبحنا فاذبحني واعتقه لامه الله يعتقك من النار فقبل ابن رشيد وذبح دخيل الوسيدي وبعد مدة درى ابن رشيد عن قصة هذا الحربي الشهم الذي فادى بنفسه دون جارة وندم على فعلتة ولما رجع الولد المطيري سألته امه عن خوية واخبرها بالقصة فبكت وحزنت على جارهم الشهم الذي حفظ الامانة فتمثلت بالابيات التالية:
البارحه عيني حريب لها النوم
...............................تسوقهاعبرات سود الليالي
تقول في عيني سماليل وهزوم
..............................وأنحب ولأني في نحيبي لحالي
حان القدر والليحصل صار مقسرم
..............................الله يبيحك يادخيل البلالي
مرحوم ياريف المساكين مرحوم
..............................اللي فدا بروحه شريدة عيالي
الأجنبي عنده مقدر ومحشوم
..............................وأبدى عليه من الرفيق الموالي