افتتاح بقالة المنتدي

[كيلوجرام]

لقد تم بحمد اللة فتح بقالة في المنتدى اسمها
:)

(( دكان الحاره ماركت لبيع الجوالات والمواد الغذائيه)) :rolleyes:<<<وده يسمر اللوحه بجبهة المنتدى هههه
حيث انة نظرا لوجود الأعضاء الدايم في المنتدى اكيد يحتاجوون اغراض فبدال ما يشغل سيارته ويروووووح ماء وبيسبسي وعصير وغداء

يجي هنا عندنا وسوف يكون فيها كل احتياجاتكم كل شي تبية موجووووووووووود


عندنا فصفص يعني "حب"
عندنا كباريت
بسكوت ريكو
سن توب
سجاير
كيندر (بـ 3 ريال ) <<<<< يبي يسكب بسرعه:confused:
فش فاش..............والكثير سوف تجدة في هذة البقالة.. بس على فكره ما عندي جالكسي هههههههههه

ملاحظة: الدين ممنوع يعني الحركات القديمة سلف مو عندي تدفع كااااااااااااش

والبقالة راح تكون اربع وعشرين ساعة مفتوحه يالله يااعضاء المنتدى اتركو الحسد وأشترو مني ولا احد يقلدني ويفتح بجواري اسواق ؟؟؟؟؟

بيبسي
:eek:
ملاحظه بعد عندنا وضايف:D

[طبعـــي عنيـــد]

اخوي /كيلو جراااااااااام

صراحه ماقصرت ومشكور



ولكــــــــــــــــــن !!!!!!






مافيه توصيل طلبات ؟؟؟؟؟

[عبدالعزيزالمخلفي ـ القصيم]

صراحه ماقصرت ومشكور


بس ما ذكرت باونتي لأني أموت فيه وما ودي أترك بقالتك وأروح للبقالة اللي جنب بيتنا









وننتظر جديدك

[أبو سلمى]

عندك عسكريم

[أبو راشد]

السلام عليكم


الله يعطيك العافيه


انا ما أبغى الا الوظيفه






أبــــو راشـــــد

[صاحب السمو]

ماعندك بليلة ابو غالب بلبلوكي

[زياد المخلفي]

عطني خمسه بيبسي وخمسه كندر......(وسجل بالدفتر ) اعطيك اخر الشهر الفلوس كامله...



ومشكوووووووور....

[مازن التماري]

ما عندك ببسي ابو نص ( قاروره )

وبسكوت ابو مـــيزان ..... ؟؟؟؟

[كيلوجرام]

طبعي عنيد وين التوصيل خارج المنتدى


عببدالعزيز من عيوني سجل طلبك واجيبه لك



ابوسلمى فيه يابعدي



ابو راشد هات السيره الذاتيه وشهادت خبره عشرين سنه ولازم يكون عندك دينا واهم شي يكون عمرك اقل من20سنه



صاحب السمو الاعندنا



زياد تامر امر



مازن لالا ابو نص نبيعه بنصين والبسكوت موقود يفندم



ومشكورين ياقلبي ولاتقاطعونا ترى عندنا هدايا وسحب

[صعب المنال]

معليش كنت مسافر ومادريت عن بقالتك الا يو رجعت من السفر
بكم رز أبو كاس 10 ك عندك؟؟؟

[الزعيم]

مشكووووور

بس ياليت تشيل السجائر ههههههه

وعطني بريالين بيبسي

والله يقويك

[كيلوجرام]

صعب المنال


وانا بعد توني جاي من السفر



<<<<<سعره 34مادرى للحين عن الزياده يبيع بالسعر القديييييم

ومنورني وجودك

[كيلوجرام]

الزعيم


على راسي


بس بريالين بيبسي ماعندنا الا الكبير نبيعه بربعه ريال ونص


ومشكور على هالطله

[الفارس]

السلام عليكم...

صديق .. أبغى ريالين خبز صامولي ولبن المراعي وفازلين.. وبريال فصفص وتوصّالنا ترانا من ربعك..

وشكرًا....



ما فيه توصيل طلبات....؟؟؟؟

[الفارس]

أقول صديق كم رقم البقالة عشان توصلون لنا؟؟؟؟؟؟؟






_________________________
شـــــــــــكــــــــــــر ــــــًــا موضوع رائع

[الجذاب]

اسمع صديق ابغا

بريال علك ابو طقعه و عسكريم ابو خمسه و فشفاش(( ابو كيس احمر))

وببسي اللي با الكيس وبسكوت الشمعدان

ولا تتأخر علينا ذبحنا الجوع


وعجل علينا صديق

[بواردي الشلاوين]

يالله ابي اربعه بيبسي واثنين توكس وان كان ماعندك خلاص لاتجيب شيء..:cool::cool:
ترااااااااي انتظرك تارك بقالة الهندي اللي عندنا انتظر توصيل الطلب لا تأخر ترى عندي ضيوفوابقدم بيبسى لهم:p
سوى تخفيضات علشان اسوي اعلان عن البقاله.:D :D :D

[(الذيب)]

ملاحظة: الدين ممنوع يعني الحركات القديمة سلف مو عندي تدفع كااااااااااااش

والبقالة راح تكون اربع وعشرين ساعة مفتوحه يالله يااعضاء المنتدى اتركو الحسد وأشترو مني ولا احد يقلدني ويفتح بجواري اسواق ؟؟؟؟؟

بيبسي
:eek:
:D

دام مافيه سلف!!!! طيب فيه دين خخخخخخ اتقول البقاله24 ساعه طيب الحين 5 الفجر ليه مقفلها خخخ طحت بك منت موجود الآن؟؟؟؟؟

[صقر من صقور مخلف]

ماعندك تخفيظات من الغلاء الزائد
وبعدين انت وبقالتك ماانكم مقاطعين المنتجات الدنمركية
الله يهنيك بها البقالة

[الــرحــالـ]

كيلو جرام ولا عليك امر


2 فطيره لوزين و واحـــــد بيبسي (( مستعجل )) :D


:)