أتحدى أي واحد يحل هذا اللغز

[عبدالعزيز المخلفي]

أطرح هذا التحدي لجميع الأعضاء الموجودين في المنتدى لغز

أنشدك عن رجال دخله في بطن رجال
دخل باسم وطلع باسمن جديد ولا اختلف لونه
لا منه دخل يا كثر ما يلقى من الغربال
ولو ما غربل الرجال ماجا منه مزيون

مع تحيات
عبدالعزيز المخلفي
@ok707ok@hotmail.com

[عادل بن محمد بن عباس]

لي عودهـ

عبدالعزيز المخلفي

والله يعافيكـ على اللغز ..

[ماجد بن صالح التماري]

تسلم اخوي عبدالعزيز والحل سهل

بنشدك عن رجل دخل بطن رجاال .. دخل باسم وطلع باسمن جديد ولا اختلف لونه

الحليب دااخل الصميل يدخل حليب بعدين يطلع لبن ولا ايتغير لووونه بس اتغير الاسم

لا منه دخل يا كثر ما يلقى من الغربال .. ولو ما غربل الرجال ماجا منه مزيونه

يتغربل دااخل الصميل وخر شي تطلع الزبده المزيونه

دمت بود وعلى فكره انت ناسي تحط حرف الهاء ( مزيون - مزيونه )

[!!!@@@ ابن تنيظب @@@!!!]

الله يعطيك العافيه اخوي ماجد والظاهر انه حلك صحيح

[ماجد بن صالح التماري]

تسلم اخوي ابن تنيظيب
في انتظار رد اخونا عبدالعزيز

[الامبراطور]

والله يابو صالح ماكل حل

وفالك المليون :D

[عبدالعزيز المخلفي]

السلام عليكم ورحمة الله وبركاته
مالك لوى ياخوي ماجد التماري
وحاول مرة أخرى
تقبلوا خالص تحياتي
أخوكم عبدالعزيز المخلفي

[ماجد بن صالح التماري]

تسلم اخوي عبدالعزيز

انا ماراح ابحث عن اجابه واتمنى انك تبحث عن الاجابه الصحيحه
وانا في انتظار حل اللغز .

تمنياتي للجميع بالتوفيق

[عبدالعزيز المخلفي]

انا ماتحديت الا اني عارف اللغز
يالله شدوا حيلكم

[ماجد بن صالح التماري]

تسلم اخوي عبدالعزيز

وكفوووو
انا والله بسوي STOP
في انتظار الحل منك او من الاخوان

[عزالوطن]

مشكور عبدالعزيز على اللغز

ولكن صراحه حل الأخ ماجد منطبق على اللغز

ولكن يقولون المعن ببطن الشاعر ونحن ننتظر الحل

[ماجد بن صالح التماري]

اخي عبدالعزيز

السلام عليكم ورحمة الله وبركاته

احببت ان اذكرك بأن هذا الموضوع ( اللغز ) قارب على الدخول الى ملف الارشيف
ولم نعرف بعد حل اللغز الصحيح


اتمنى منك اخي الفاضل ابداء رئيك بالموضوع وحل اللغز



تمنياتي للجميع بالتوفيق

[!!!@@@ ابن تنيظب @@@!!!]

ياخوي ماجد انت الله يهديك الرجال متحدي وانت ماشاء الله عليك رديت عليه بسرعه اكيد ان حلك هو الصحيح حتى لو تفسر البيوت فحلك صحيح ومنطبق وفالك المليون ولا فيك حيله
هو مايدري وش حله وتورط خخخخخخ
http://www.sh-ksa.net/up/uploads/4a7ab7f1c9.gif (http://www.sh-ksa.net/up)

[ماجد بن صالح التماري]

هههههههههههههه
مشكور على المداعبه يابن تنيظب

وعسى ربي يطول بعمرك ياعمي

لا بس يمكن حلي غلط ماتدري وانا والله من زمان
في بالي الموضوع بس قلت اخليه على طلب الاخ عبدالعزيز
لانه صاحب الفكره ..
بس الانتظار طال والموضوع كأنه اهمل شوي

مشكور على مرورك وياليت الاخ عبدالعزيز يوضح لنا

تمنياتي للجميع بالتوفيق

[حزين تبوك]

ماهو الجوال اخوي عبدالعزيز

[عبدالعزيز المخلفي]

مالكم لوى

[عبدالعزيز المخلفي]

الحل يا طويلين الاعمار
الصورة واسفين على التأخير تخبرون الاختبارات ماتخلي احد فاضي
وادعولي بالتةفيق انا في ثالث ثانوي

[ماجد بن صالح التماري]

اله يعطيك العافيه اخي عبدالعزيز
ونتمنى لك بالتوفيق في امتحاناتك والنجاح

بس ياليت تشرح لنا الحل ولا عليك امر

[ابراهيم حمود البتال]

حلك صحيح يا ماجد ميه بالميه بس الضاهر ان اخوي عبدالعزيز يمزح معك
تقبلوا تحياتي مع خالص الشكر والتقدير

[ماجد بن صالح التماري]

الله يسمع منك يابو حمود هههههههههههههه

واتمنى من اخوي عبدالعزيز يشرح لنا الحل اللي قال ( الصورة )
لاني بكل صراحه ماني مقتنع بأن الحل الصوره ربما الشرح يقنعني


تمنياتي للجميع بالتوفيق

[النشمي]

\خوي/ عبد العزيز/ شكراً

على هذا الغلز الجميل

واعتقد/ ان /الحل هـو/ حبر القلم /

والمزيون/هو الخط / والله اعلم /

[الأماكن]

مشكور على اللغز اخوي عبدالعزيز