عباس
20-02-2008, 10:24 AM
السلام عليكم
قصيده انقلها لكم من احد المنتديات تستحق القراءه
مجال الفلسفه قافٍ على طول الزمن ماشاب
مفاتيحه خيالٍ خصب والا دافعٍ مغري
واذا حررت قيد الفكر تفقد شكلها الخلاب
تخاطفك النوايا والنوايا شرها يجري
نوايا الخلق .. محجوبه عن عيون البشر بحجاب
ولكن من توجهها يبين الجانب السري
مدى حجم التفاوت.. فالنوايا ما حواه اكتاب
يجوز انه تجاوز خانة المليون من بدري
وفلاسفة الزمن هذا على الفاضي , وفتل اشناب
مثالين اكتفي فيهن .. عسى الهدهد فدا القمري
نزايع بكر لو شافت طلايع محمل الحراب
من اعراف البديهه قومة البكري مع البكري
قريت العام لي قصه على طرقين (باك) و(كاب)
بطلها كان متفرج ..وشكل إنتاجها حصري
كسا وجه البطل غيضٍ يدور للخروج اسباب
على همه يوراله بريق الكوكب الذري!!
حذف فعل الضمير وحط تقديره (على المشعاب)
وعلامة رفعة البلجيك .. كسرة راعي الجثري
بدى فكر التفلسف ينصدع من صيغة الاعراب
بعد كف الحقيقه .. قام يصفق وجهها المزري
كشف (بوزو) غموض المافيا برواية(العراب)
بغا التاريخ ميلادي .. ولكنه مشى هجري
وانا ما اجحد توهج كلمته..وابداعها الجذاب
ولا افسد صورته فالعين ..غير..ارهابه الفكري
تناوشني جنون الشعر صلفه لين فكت باب
وابا اعزلها عن الاحداث حتى يستوي عذري
لك الله ياقرينٍ عشت بين الربع والاجناب
وغيرك لو تغرب مات من وسواسه القهري
انا ماشفت مثلك يالقرين اللي قرينك داب
تعقد السم والترياق مع شيطاني الشعري
تعقد العهد والطرقه على مبدى وفا واصحاب
عليها باديٍ بسم الله الرحمن والعصري
عهدنا ساري المفعول يبقى مابقا المرقاب
مداهيله ورى حد السحاب ونجم مايسري
من اول يوم.. لاخر يوم لايدرق ولاكذاب
نتاج الفكر كله من نتاج احساسك الفطري
ضربت الارض طول وعرض واحساس التعب ماغاب
ضربت الارض عرض وطول واحساب الزمن عشري
اقيس ابعد مسافه قبل احدد خاطري وش جاب؟
واميز ريشة النادر واميز ريشة الوكري
ولا احتاج لتكتل او تشكل مع نظام احزاب
على وضح النقا حزبي وهذا حزبي الفخري
وعلى قانون لانكذب .. ولا نخلف ولا نرتاب
ولا اداهن ولا اجامل مع الجاهل وانا مدري
ولا البس ثوب عاريه..لو اجلس ماعلي ثياب
هواجيس العنا ما ارمي عناها..إلا على صدري
يقولون القلق يكبر ليا وافق شريعة الغاب
وانا اضحك من طريقة شخص حاول ينتقص قدري!
يقول انه خصيمي وان تواجهنا عطى المجناب
من الشعر المقفى.. لايحولها على النثري
لو اشعب له شياطيني بعد ساعه يجيه اعصاب
جميع اوراقه الصفراء يبعثرها قلم مبري
مادام ان التناسخ حيلة العاجز..لما الاعجاب؟
بيان السحر من سحر البيان..وهيبة السحري
تقول اوجز !! لانك ماعرفت الاصل فالإطناب
غشيمٍ ماتعرف اصل اللغه..فالمنهج المقري
اذا تركيبة الجمله عليك اصعب من الاسهاب!!
بلاش اتقيم العالم حسب تفكيرك الفقري
نهايتها تشيب الفلسفه والقاف توه شاب
وعذراً لو حصل مني زلل يالدافع المغري
اتمنى ان تكون القصيده نالت اعجابكم ورضاكم
قصيده انقلها لكم من احد المنتديات تستحق القراءه
مجال الفلسفه قافٍ على طول الزمن ماشاب
مفاتيحه خيالٍ خصب والا دافعٍ مغري
واذا حررت قيد الفكر تفقد شكلها الخلاب
تخاطفك النوايا والنوايا شرها يجري
نوايا الخلق .. محجوبه عن عيون البشر بحجاب
ولكن من توجهها يبين الجانب السري
مدى حجم التفاوت.. فالنوايا ما حواه اكتاب
يجوز انه تجاوز خانة المليون من بدري
وفلاسفة الزمن هذا على الفاضي , وفتل اشناب
مثالين اكتفي فيهن .. عسى الهدهد فدا القمري
نزايع بكر لو شافت طلايع محمل الحراب
من اعراف البديهه قومة البكري مع البكري
قريت العام لي قصه على طرقين (باك) و(كاب)
بطلها كان متفرج ..وشكل إنتاجها حصري
كسا وجه البطل غيضٍ يدور للخروج اسباب
على همه يوراله بريق الكوكب الذري!!
حذف فعل الضمير وحط تقديره (على المشعاب)
وعلامة رفعة البلجيك .. كسرة راعي الجثري
بدى فكر التفلسف ينصدع من صيغة الاعراب
بعد كف الحقيقه .. قام يصفق وجهها المزري
كشف (بوزو) غموض المافيا برواية(العراب)
بغا التاريخ ميلادي .. ولكنه مشى هجري
وانا ما اجحد توهج كلمته..وابداعها الجذاب
ولا افسد صورته فالعين ..غير..ارهابه الفكري
تناوشني جنون الشعر صلفه لين فكت باب
وابا اعزلها عن الاحداث حتى يستوي عذري
لك الله ياقرينٍ عشت بين الربع والاجناب
وغيرك لو تغرب مات من وسواسه القهري
انا ماشفت مثلك يالقرين اللي قرينك داب
تعقد السم والترياق مع شيطاني الشعري
تعقد العهد والطرقه على مبدى وفا واصحاب
عليها باديٍ بسم الله الرحمن والعصري
عهدنا ساري المفعول يبقى مابقا المرقاب
مداهيله ورى حد السحاب ونجم مايسري
من اول يوم.. لاخر يوم لايدرق ولاكذاب
نتاج الفكر كله من نتاج احساسك الفطري
ضربت الارض طول وعرض واحساس التعب ماغاب
ضربت الارض عرض وطول واحساب الزمن عشري
اقيس ابعد مسافه قبل احدد خاطري وش جاب؟
واميز ريشة النادر واميز ريشة الوكري
ولا احتاج لتكتل او تشكل مع نظام احزاب
على وضح النقا حزبي وهذا حزبي الفخري
وعلى قانون لانكذب .. ولا نخلف ولا نرتاب
ولا اداهن ولا اجامل مع الجاهل وانا مدري
ولا البس ثوب عاريه..لو اجلس ماعلي ثياب
هواجيس العنا ما ارمي عناها..إلا على صدري
يقولون القلق يكبر ليا وافق شريعة الغاب
وانا اضحك من طريقة شخص حاول ينتقص قدري!
يقول انه خصيمي وان تواجهنا عطى المجناب
من الشعر المقفى.. لايحولها على النثري
لو اشعب له شياطيني بعد ساعه يجيه اعصاب
جميع اوراقه الصفراء يبعثرها قلم مبري
مادام ان التناسخ حيلة العاجز..لما الاعجاب؟
بيان السحر من سحر البيان..وهيبة السحري
تقول اوجز !! لانك ماعرفت الاصل فالإطناب
غشيمٍ ماتعرف اصل اللغه..فالمنهج المقري
اذا تركيبة الجمله عليك اصعب من الاسهاب!!
بلاش اتقيم العالم حسب تفكيرك الفقري
نهايتها تشيب الفلسفه والقاف توه شاب
وعذراً لو حصل مني زلل يالدافع المغري
اتمنى ان تكون القصيده نالت اعجابكم ورضاكم