دردشة بين الاعضاء ..!! [الأرشيف] - منتديات قبيلة مخلّف

ماجد بن صالح التماري

18-01-2008, 03:22 AM

السلام عليكم ورحمة الله وبركاته

يالله حي عيال عمي في محلهم

اكيد كلكم مستغربين العنوان !!

العنوان صح مافيه اي خطأ هذا موضوع دردشة بين اعضاء المنتدى تعال هنا وفش خلئك باي واحد
اطرح سؤال او قضيه قل سالفه او موقف ..

بالعربي ( المــــــــوضوع هذا خوذو راحتكم فيه يامخلف ) بس لاحد يخربها همن بالعجرا..

الفكره ملكيتها الاخ " ســـآج " وهو راعي الاوله

انا ودي اطرح سؤال وابي اللي بيرد بعدي يجاوب
عرف بنفسك للاعضـــــاء
اسمك - وين ساكن - موظف / طالب - وش علومك مع البرد

محمد الشبعان

18-01-2008, 04:32 AM

وعليكم السلام ورحمة الله وبركاته

البقى ..

دام بها عجرا يابعدي نبي نطيع لا نضيع

بالنسبه للا سئلتك < أقترح تكون مذيع او صحفي والا لك خبره سابقه بالتعداد السكاني

محمد بن حمود المخلفي

ساكن بالرياض

لا موضف ولا طالب خريج كليه صحيه وبإنتظار التعين

العلوم مع البرد لا تنشد مغير بفراوينا وزنجبيل رايح وزنجبيل جاي ومتسدحين عند النار

طيب انا ابي انشد الي بعدي نفس أسئلة ماجد

ماجد بن صالح التماري

18-01-2008, 05:02 AM

ههههههههههههههه

وسبعه انعام يامحمد

وابشر اجاوب على اسالتي من سبق لبق

اسمك - وين ساكن - موظف / طالب - وش علومك مع البرد

اسمي ماجد بن صالح التماري

ساكن بالخرج ياجعله السيل

موظف الحمد لله
العلوم علوم السعد خشمن احمر وحالتي تبكي الحصا ومقرط بالفره من دخل اشتاء

اللي بعدي سولف قل اللي تبي ماني مقيدك بشي
بس ياليت تخلي سوالفك بالبرد

ســـآج

18-01-2008, 05:05 AM

اولاً/ حبيت اشكر الاخ ماجد صالح على تلبيه الطلب

ثانيــاً /الاجابـه على اسئله الجمهور العزيز :)

بــــــدر المخلفــــــــي

ساكن بحائــــل

طالب علـــم

:D

وبالنسبــه لسؤالي اسئل اللي بــ ع ــــدي نفس اسئله ماجد

وسلآمتكـم :cool:

ماجد بن صالح التماري

18-01-2008, 05:07 AM

ونعم
ساج افاااااااااا
هذه وانت راعي الفكره قمت تقطع الدروب

وش فيك ضيعت

ادري ان اجابتي واجابتك بنفس الوقت بس من سبق لبق

ســـآج

18-01-2008, 05:29 AM

والنعم بحالكـ

بس نبي تزبط لاهنت لنا براد شاهي وصحين بقل ان كان حصل :D

علشــان تزين السواالف :cool:

بس اللي يدخل بعدي اتمنى يجاوب على الاسئله التاليه :

الاسم , الوظيفه , وين مقر السكن , يعني لو يجب نسخه من بطاقه بطاقه الاحوال احسن :D

وتصبحون على خيررررر يالربــــــــــع

ماجد بن صالح التماري

18-01-2008, 05:35 AM

براد وبس افا عليك ياساج

ماطلبت شي ولك مني بقل شاريه من عجوز مسويته باام رقيبه

محمض يعور بالبطن
تكسر ضروسك وانت مااكلت منه شي

اللي بعدي يجاوب على الاسئله حقت ساج

الاسم , الوظيفه , وين مقر السكن , يعني لو يجب نسخه من بطاقه بطاقه الاحوال احسن

ســـآج

18-01-2008, 06:52 PM

مســـاءكم الله بالخيــــــــــــر

اعلومكم مع هالبرود والثلوج ؟؟

وينكم محد مر لاسلام ولاكلام

يادافع البــــــــــــــــــــلا

ماجد بن صالح التماري

19-01-2008, 07:27 AM

هلا بساج الناس مابعد تعودو على الموضوع

فاهمينه غلط للحين

بس بيعين ربك لين يتعودون

احس انك لابس فروه وانت تكتب الرد

محمد الشبعان

19-01-2008, 11:51 AM

صبحكم الله بالخير

ماجد يقولون القهوه عندك ؟

الا اليوم دفوهـ والا انا واهم ؟

ماجد بن صالح التماري

19-01-2008, 12:01 PM

حياك الله ياعمي
محلي محلك يابو حميد

انا طلعت الساعه 7 الصبح اخلص اشغالي

والجو حلو والله علينا سحابً اسود

والجو دافي ماهو بارد

عسى ربي يجيب الخير ان شاءالله

محمد الشبعان

19-01-2008, 12:22 PM

البقى

ان شاء الله ... اللهم آمين

الامبراطور

19-01-2008, 07:02 PM

أول شئ مساكم الله بالخير

وفكرة حلوة طالعة من مخ اخونا ساج بمساعدة من أخونا الثاني ماجد

أنتم أخذتكم السوالف ونسيتم تدردشون مع باقي الأعضاء

وسؤالي لكل واحد فيكم :

وين كنت اليوم (السبت) الساعة 6.30 المغرب؟ <---- تحجير

أنا بالبيت أطقطق على النت

لا تنسون تجاوبون بصراحة

ماجد بن صالح التماري

19-01-2008, 08:03 PM

والله ياخالي الظاهر انه اليوم السبت

6.30 طال عمرك وانا عند البل مع ابوي

جب الطاسه ود الطاسه فك الشبك صك الشبك
ورا ماشملتو هذي وهذي وشوله تطلع مع البل

وتوني اجيك الحين الساعه 7.56م

اللي بعدي وين كنت قبل تدخل النت
ووش كنت تسوي

محمد الشبعان

20-01-2008, 06:35 PM

مساكم الله بالخير

أخباركم جميييع

ياطويل العمر قبل أدخل النت كنت نآآآيم

دفوهـ يالله لك الحمد والجو حلو

طيب إلي بعدي

عطنى علومك اليوم وش صار معك وش سويت

لك الحريه يالموجز يالبتفصييل

ماجد بن صالح التماري

20-01-2008, 07:09 PM

هع هلا يابو حميد عسى امورك دوم طيبه

والله ياغلاي اليوم يانعومك الامور تسرك مع ان الجو كان شوي حار

داومت الصباح اول يوم لي هالاسبوع امس ماداومت يوم جت الساعه 9 الصبح
تم اكتشاف ان الضابط ماداوم اليوم من قبلي واقرط لك بثوبي
والبوابه ماجت ياعمي الساعه 9.15 الا انا بالبيت
وجلسه على النت الى الحين مايفصل الا وقت الصلاه ووقت الغدا وطمرت للشيبان العصريه
جلست معهم شوي وجيتك الحين على ركبه ونص لين الساعه 8.30 ولا 9 وبحط راسي ان شاءالله وانام
طبعاً استعدادً لدوام بكره الي والله ماني متاكد عن السحبه بس بنكلم العيال كان داومو كلهم زين سحبنا
وكان اللي مستاذنين واجد لازم نغطي تخبر بكره نحتاجهم
يوووه والله احس اني استانست ومسكت خط على العلوم ياخوي يازين الواحد اذا صار يسولف من راسه
ماهو مقيد بشي ولا يكون مجبور يرد بشي معين بس يتنح على الكيبورد ويفتح فمه ويكتب

المهم اللي بعدي والله اني استانسيت يوم ابو حميد قال سولف على كيف ياشيخ والله مااقيدك بشي
فل حجاجك عطني علومك اليوم من طق طق الى السلام عليكم

المؤيد

20-01-2008, 07:11 PM

مساء الخير للجميع
يخليلي هالخشيم يابو صالح على هالموووضوع
انا مادري ويني عن هالموضوع اللي يحبه قلبك

هذا محضر تحقيق يابو صالح هههههههههههه
ابشر بسعدك يالشبعان

بس خلني اعرفكم بنفسي علشان ماينشبلي هالنشبه
ماجد يقول هيك وهيك .

خالد المخلفي
مقر العمل الرياض

والله يابو الحبيب والسلامه اليوم دوام
ثم يوم جاء هالعصريه حذفتها على الملعب
الله لايجيرك ثم طارة هالكوره لين هالمغرب
ثم عودة والان على هالنت .

اللي بعدي الله لايهينك و مادري وين رحت هالعصريه

ابو صالح بيض الله وجهك على هالموضوع

ماجد بن صالح التماري

20-01-2008, 07:15 PM

خالد ماتخلي حركاتك يالدب
دايم تجاكرني على الردود

بعدين وصلك الايميل ولا ماوصلك والله يبي لك كوي من تحت اذنك اليسرى

العصر مسنتر عند البابا والماما ادردش معهم

المؤيد

20-01-2008, 07:22 PM

ههههههههههههههههههههههه
بيض الله وجهك يابو صالح ماقصرت
وعندي الجهاز مخبط يبيله توضيب ياولد

على كل حال ماقصرت ورايتك بيضا يابو صالح

ماجد بن صالح التماري

20-01-2008, 07:29 PM

ههههههههههههه
منت بعيد عن الرجال اللي اليوم ينفص علبه
ههههههههههههههههه

الله يقطع بليسك
بعدين ليه ماتجاوبني وصلك الايميل ولا ارسله لك من جديد
تعرف كل شي بفلوس الحين

محمد وينك شكلك نمت ولا تطالع بوجيه لعيبه مانشستر

المؤيد

20-01-2008, 07:36 PM

هههههههههههههههههه
وصلني يابو صالح والحساب عند الرجال اللي اليو م ههههههههه
اما الرجال اللي اليوم كككككككك صديق محمد

ماجد بن صالح التماري

20-01-2008, 07:43 PM

ههههههههههههههه

والله يبي لك شغل ياخالد
بعدين خويك انت هو كاتب انا ماعزيت الا خالد:D

المؤيد

20-01-2008, 07:57 PM

هههههههههههههههههههههههههههههههههههههههههههههههههه
الله يرجك لاوالله ملحوووووووووووووووووووووووووس الرجال

ماجد بن صالح التماري

20-01-2008, 08:05 PM

شههههههههههه
والله ماادري

المهم تصبحون على الف خير انا جت حزة النوم عندي
تخبرون نظام شايب
تمنياتي للجميع بالتوفيق والوعد بكره ان شاءالله بعد مااطلع من الدوام
على الظهر ان شاءالله

فمان الله

المؤيد

20-01-2008, 08:07 PM

فمان الكريم يابو صالح
ولاوصيك بالحلوم وخاصه
الرجال اللي اليوم ككككككككك

ماجد بن صالح التماري

21-01-2008, 06:41 AM

يالله صباح خير ياخالد انت مهبول تبي اتحلم

المهم يالربع انا بطلع للدوام الحين وبجي ان شاءالله الساعه 2.30
ياليت اللي يبي يرد بعدي
يحصر لي المواضيع الجديده عشان اتصفحها اذا جيت

تعرفون وخيك ضعيف بيطلع من الدوام مافيه حيل تخلونه يلف الاقسام كلها

ياربي لا تخليني منكم

المؤيد

21-01-2008, 06:44 AM

صباح الخير يامااااجد
كيف اصبحت

تامر امر ياماجد

ماجد بن صالح التماري

21-01-2008, 02:31 PM

ياخي ياليت فه اثنين مثلك يابو خلود
ت حزه القيلوله من غثى الدوام
الوعد بعد العصر ان شاءالله

الامبراطور

21-01-2008, 05:38 PM

أشوفكم مسكتم خط يابو صالح وخالد

عطونا فرصة عطوا الحر فرصة ياشباب

وبعدين أبسأل اللي بعدي سؤال:

ليه الواحد إذا قالوا له ياحمار يزعل بس إذا قالوا له ياذيب ما يزعل مع ان الذيب والحمار كلهم حيوانات؟

خخخخ

ســـآج

22-01-2008, 03:15 AM

السلام عليكم ورحمه الله وبركااااااااته

صبحكم الله بالخير

وشلونكم عساكم بخير وبعافيه ؟

:D

وبعدين أبسأل اللي بعدي سؤال:

ليه الواحد إذا قالوا له ياحمار يزعل بس إذا قالوا له ياذيب ما يزعل مع ان الذيب والحمار كلهم حيوانات؟

والله مدري بس يمكن علشان الحمار حمار والذيب ذيب على اسمه

دمتـــم بخـــيــر

:)

بعيد الهقاوي

22-01-2008, 11:49 AM

بسم الله الرحمن الرحيم

موضوعك جمبل جدا جدا ياجميل

وبيض الله وجهك ياخالي

ماجد بن صالح التماري

22-01-2008, 12:13 PM

حياك الله يابعيد الهقاوي

بس احس انك رسمي شوي
كاني طارح موضوع مفيد هههههههههه

فديت روحك والله يابعيد الهقاوي
الموضوع فلة حجاج سولف لين تتعب
خذ راحتك بكل شي بس لا تطلب سلف @_@

بعيد الهقاوي

22-01-2008, 02:28 PM

حيك الله ياماجد

لاتتوهق تراي لاابس رياضه

ههههههههههههههههههههههه

ماجد بن صالح التماري

22-01-2008, 07:40 PM

هههههههههه

لا شدعوه بس ولا يهم نلعب 4-4-3

واذا تبوني العب عندي شروط
العب بثوبي وحافي
وانتم بكيفكم

السافرى المخلفى

22-01-2008, 08:10 PM

ااسلام عليكم

ما عندكم وظيفه ولو حكم ولا اذا ما فيه مدرب

الموسيقار

23-01-2008, 12:20 AM

رن ,,,,, رن

رررررررررررررررررررررررررن << واحد طولتو ما فتحتو له الباب
شكلكم نايمين ( شيبان ) ما تنلاموووووووووووووووووووون
المهم جبت لكم ( شي )

أنزلو تحت كاتب لكم ( شي )

v

v

v

v

v

v

v

v

v

v

v

v

v

v

v

v

v

((( شي )))

ماجد بن صالح التماري

23-01-2008, 06:21 AM

مردك تاكل غيرها يالمسيقار

ومحمسني وانا توني صاحي من النووم ومطير عيوني بالغصب
ادور هالشي واخر شي القا شي <=========<< داخ من كثر مايقول شي

سعدنا بمشاركتك يالذيب وتراك غايب عن المنتدى
ولو منت غالي ماسألنا
عسى ماشر يالمسيقار ان شاءالله المانع خير

الموسيقار

23-01-2008, 11:40 AM

مرحبا ماجد سلامتك من الدوخة
لو غبنا بالتواجد القلب حاضر << واحد رومانسي هههههههههه
والله تعرف مع هالبرد والجميد صارت يد الواحد قطعة وحدة مع أصابعها
ولا جاء الواحد يبي يكتب على الكي بورد يخرط له اربع خمس حروف مع بعض تعرف الأصابع مشتبكة هههههههههه
ثم طلع لك كلمة لا عربية ولا عنقليزية ولا صينية الظاهر الظاهر أنها رومانية هههههههههههه
ثم هون وقال بلاش نأجلها بكرة ,,,, وكل بكرة أبرد من اللي قبله هههههههههه لين ربك فرجها

كلك ذووووق وسؤالك محل تقديري

ماجد بن صالح التماري

23-01-2008, 01:30 PM

ياهلابك يالموسيقار اجل رومنسيه وبرد
ماتجي هههههههههههههه

والله منور المنتدى بجيتك والناس اللي مثلك
نفقدهم طال عمرك

ومن ناحية البرد خلها على ربك بس

محمد الشبعان

25-01-2008, 07:43 PM

السلام عليكم ورحمة الله وبركاته

مسيكم بالخير جميعا

أخباركم ، علومكم طيبين ان شاء الله ؟

ماجد بن صالح التماري

26-01-2008, 01:11 AM

عليكم السلام

هلا يابو حميد مسيك بالنور والعافيه

العلوم من العصر علينا ديم
الى حد الان الساعه 1.10 ص

انا بالخرج للي بيسأل

تمنياتي للجميع بالتوفيق

المؤيد

26-01-2008, 10:38 AM

ابو صالح العلوم وين هالغيبه ماشوفك
متواجد لاانت ولامحمد عسا ماشر

ماجد بن صالح التماري

27-01-2008, 12:28 AM

جعلك ماتفقد غالي الله يطول بعمرك

محمد كان رايح للبل عندهم شديد وتوه يجي يوم الجمعه

وانا كنت بالرياض والله اخلص لي اشغال من يوم الاربعاء
ولا رجعت الا يوم الجمعه وسلامتك يابو خلود

وتصبحون على الف خير الساعه 12.27 ولا وراها شي
اول مره اسهر ايام الدوام حسبي الله على مباره السوادن ومصر

باسم المخلفي

01-02-2008, 06:59 PM

سلاام عليكم

هو فيه احد ولا ما فيه؟؟؟؟؟

سلطان احمد

02-02-2008, 01:15 AM

عليكم السلام ياباسم

اخباركم ياهل بريدة

ماجد بن صالح التماري

02-02-2008, 03:40 AM

يوه توكم تجون وينكم يالربع
نسيتو الموضوع هذا غريبه

على العموم اتمنى الجميع يكون بصحه وسلامه
اللي بعدي عطني علومك وهات اخبارك
يعني عرفنا بنفسك اكثر

محمد الشبعان

02-02-2008, 03:55 AM

السلام عليكم

العلوم ياماجد تمام

مير اليومين الي فاتت أبلشني هالتصفح ومشاكل خلها على ربك بس

الحمد لله التصفح لقينا له حل *_^

وبس سلامتكم

الي بعدي عطنى الموجز

ماجد بن صالح التماري

02-02-2008, 04:02 AM

هلا والله بالغالي

عليكم السلام

يالله حي محمد شلونك طال عمرك وش اخبارك

اليومين اللي راحت الله يطول بعمرك
يقول لك ان فيه كيبيلين بحريات مزودات للانترنت تعطلو
وان المشكلة عمت دول الخليج و70 % من النت في مصر انقطع
وانا والله اشوف ان اتصالي ماشاءالله عليه من البارح
بس وش العلم ماادري لاني رافع السرعه حول 2 قيقا وجاه هبال الجهاز
اول مره تجيه سرعه كذا

محمد الشبعان

02-02-2008, 04:42 AM

بخير يمال الخير

ايه الكيابل هذي ولين الحين مشكلتها ماحلوها ولا صلحوها

منها التصفح كان بطئء بس غيرت بالعنوان والحمد لله تمام

ماشاء الله على اتصالك << ترى يبي يصكك عين *_*

ماجد بن صالح التماري

02-02-2008, 04:55 AM

هههههههههه

كلي لك طال عمرك

اتصالي حلو برغم ان المشكله موجوده ولا غيرت شي
بس ودي تنحل بسرعه ابي اشوف كيف يصير سريع ولا خرطي

شكلك مغير شي بالبروكسي

محمد الشبعان

02-02-2008, 05:13 AM

يخليك ربي يالذيب

انا لو ماغيرت كان تبي تجيني جلطه يذكرني بأيام الدل آب

يجيب الظغط بس الحين تمام

ماجد بن صالح التماري

02-02-2008, 06:11 AM

ههههههههههه

الحمد لله هذا اهم شي

الله يوفقك

انا بطمر للدوام ماعاد بقى وقت
اشوفك على خير ان شاءالله
الوعد الساعه 2.30 ;)

محمد الشبعان

02-02-2008, 06:17 AM

آمين وياك .. الله يعينك وموفق ان شاء الله

على خير ان شاء الله

وانا بعد ابي اطلع احط راسي لين الظهر

ماجد بن صالح التماري

03-02-2008, 02:23 AM

احم احم

السلام عليكم

يالربع فيه احد ولا رقود

محمد الشبعان

03-02-2008, 02:29 AM

وعليكم السلام يالله حيييه

هاا انا توني داااخل الحيين

علومك يالذيب ؟

ماجد بن صالح التماري

03-02-2008, 02:36 AM

هلا والله بمحمد
صباح الورد طال عمرك

علومي تسرك
دوام ونومه وسهره للصبح عندي شغيلات

علومك انت ووش اخبارك

محمد الشبعان

03-02-2008, 02:48 AM

صباح النور والسرور

عساهـ دووم يارب والله يعينك

والله ياطويل العمر علومي تسرك مير هالبرد ماله أمان

توني جاي من الكوفي شوب ماخذ لي شاهي ابو بهارات هذاك الي حاطين له دعايه[ من غيري يدفيك ]

ههههههههههههههههههههه

وابد قلت خلني افتح النت وعلى طول عند منتدى عيال عمي الله لا يحرمني منهم

ماجد بن صالح التماري

03-02-2008, 03:12 AM

يدوم عزك طال عمرك

هههههههههههههههه
اجل من غيري يدفيك

انا مقرط بفروتي طاقني البرد
خلها على ربك بس

المنتدى والله انه سعه خاطر ووناسه
خصوص اذا صار لربعك

ماجد بن صالح التماري

04-02-2008, 03:05 AM

طنق طنق

ياولد .. ياهل الداااااااااااااار

اللي بيجي يقولي رايه بالصوره هذي

http://www.yousef.ws/soar/jidar.jpg

محمد الشبعان

04-02-2008, 03:17 AM

ههههههههههههه

والله الصوره ما يبي لها رااي قمة الادب والتفاهم

من جد صورهـ خياليه

ماجد بن صالح التماري

04-02-2008, 03:51 AM

ههههههههههههههه

ياعيني عليك طال عمرك

نفس رأيي اشوف ان الشخص اللي كتب
واللي رد عليهم كلهم رهيبين ههههههههههههه

المؤيد

05-02-2008, 09:00 AM

هههههههههههههههههههههه
ككككككككككككككككككككككك
ههههههههههههههههههههه

ودي شفتك وانت تصور الكتابه اللي على هالجدار

مادري وين هالصوره بالنسيم ؟؟

ماجد بن صالح التماري

07-02-2008, 05:58 AM

السلام عليكم

اللي بيرد بعدي يعطيني تعليقه على هالصوره

http://www.al3nabe.com/up/uploads/ab6c13e71f.jpg

عياد الشلياني

08-02-2008, 02:07 AM

من حسن حضي اني بعدك يابو صالح

والله شف هذة طفولة مؤلمة هذا وهو صغير

كل هالرزم معة وحولة اذا كبر باللة وش بكون حولة!!؟؟!! ؟؟

اليي بعيدي ياليت يعلق كذالك عالى هالصورة

ماجد بن صالح التماري

09-02-2008, 04:19 AM

هههههههههههههههههههه

يشرفني ردك طال عمرك

بس حلوه طفولة مؤلمة

ياليت الاخوان يعلقون على الموضوع والصوره

الراسي

10-02-2008, 07:33 PM

ماشالله ماشالله تبارك الله هاتوه ابسلم عليه ------------------عزالله اباخذ اللي على صدره وراسه وعزي عنه ظاغطتن علييييه 0000 كنت اسمع باللي نايم فالعز واخيرا شفته 000
مشكور يابوصالح

ماجد بن صالح التماري

11-02-2008, 09:47 AM

ههههههههههههههههههه

ايوه طال عمرك

هذا اللي نايم العز ههههههههههههه

مشكور على مرورك يالغالي

ومشكور على تعليقك الجميل

اللي بعدي عطني رايك بالصوره هذي

http://file6.9q9q.net/img/56855765/-------.JPG (http://file6.9q9q.net/preview/56855765/-------.JPG.html)

أبو سلمى

13-02-2008, 01:06 AM

رأيي بالصوره اقول انها منتازه

مع اني مافهمتها زين

بس هالشويت منسدح ويحسب ذنوبه

لكن خذوا هالصوره واترك التعليق لكم

http://www.sh-ksa.net/up/uploads/e22eaba9cb.jpg (http://www.sh-ksa.net/up)

المؤيد

13-02-2008, 10:20 PM

هههههههههههههههههههههههههههههههههههههههههه
ككككككككككككككككككككككككككككككككككك
هههههههههههههههههههههههههههههههههههههههههههه

الله يضحك سنك يابو سلمى

نصراوي مخلف

16-02-2008, 02:17 AM

اولا مساكم الله بالخير

ثانيا,,, لو جبت صورة دله كان زانت العلوم

الاسم%% ( انا من عيال صندل)

السكن %% (من الرياض)

المهنه && (طالب علم)

العمر %% (ابلغ من العمر 20 سنه)

وتقبلوا خالص تحياتي,,,,,,

نصراوي مخلف

16-02-2008, 02:43 AM

والنعم والله

ياطويل العمر المشكله حنا عيال عم وما نعرف بعضنا الى بالمنتدى وموضوعك فيه فائده للتعارف

الاسم&&& (من عيال صندل)

السكن &&( الرياض)

العمر&&(20 سنه)

المهنه&&(طالب علم)

واعذروني لعدم افادتكم باسمي الشخصي

وتقبلو فائق تحياتي

ماجد بن صالح التماري

16-02-2008, 04:59 PM

ههههههههههههههههههههه

حلوه الصوره يابو سلمى

الله يعطيك العافيه ويديم عليك الوناسه والجميع ان شاءالله

ماجد بن صالح التماري

16-02-2008, 05:01 PM

والنعم فيك اخوي نصراوي مخلف

بس شلون تقول نبي نتعارف وانت ماذكرت لي اسمك

على العموم يالغالي وسبعه انعام فيك وبربعك اخ عزيز وغالي وولد عم محلك فوق الراس

تمنياتي لك بالتوفيق يانصراوي
انا مايحتاج اسمي صريح و مكاني صريح

الحفرااااوي

22-02-2008, 10:22 AM

انتم هناا ياعيال عمي وانا مادري عنكم

الاسم: بدر خليف المخلفي

الوظيفه: عسكري

السكن حاالياً حفر الباطن

الاجواء عندنا ابشركم فصول الاربعه في يوم واحد

حر عج برد مطر

ماجد بن صالح التماري

22-02-2008, 02:21 PM

وسبعة انعام والله يابدر

اجل كل فصول السنه بيوم ههههههههههههه

عادة والله الحفر والغبار اللي فيه

احلى شي عندكم والله وقت الربيع

انتظر زيارتي ان شاءالله للحفر بس خل الديرة تربع

كيلوجرام

23-02-2008, 08:06 AM

السلام عليكم

ممكن احد يدردش معي

صبحتم بالخير

الحفرااااوي

23-02-2008, 09:02 AM

حياااااااااااااك ياابو صاالح

وزي مااقلت الربيع شي ثااني

والله يجيب الخير إن شاء الله

وبنتظااار زيااارتك

الحفرااااوي

23-02-2008, 09:04 AM

وعليكم السلام

وصبحت باالخير يااولد عمي

وانا معك يالغاالي

وش اخباارك

عررفني بااسمك ياالغاالي

الزعيم

26-02-2008, 10:25 PM

السلام عليكم ورحمة الله وبركاته

كيف الحال للجميع

ونصراوي مخلف انا عرفتك

انت كنت مطلووب للنصر سابقاَ صـــح

وانا في انتظار ردك

ولد الحناكية

28-02-2008, 07:10 PM

الى اخي ماجد التمار احد المشرفين ونعم فيكم يابن العم وفي عيال عمنا بس ابسأل سؤال الله يعين المشرفين علينا في الشبكه العنكبوتية وملاحظتي هي حث جميع من يشارك في هذا المنتدى بالدعم لحفل مخلف حتى يكون في احلى عام ونتمنى للجميع التوفيق

اخوكم

ولد الحناكية

الرياض / موظف حكومي

فهدالثابتي

02-03-2008, 01:13 AM

سلااااام ياعيال العم أخباركم ...... أقول أشوف مابلمجلس أحد وين الربع !!!!!!!!! و لقهوة ...... وين وين

وين وين المخليف وين وين أحم أحم ( والله وجة على الحن )

سلطان احمد

02-03-2008, 12:32 PM

السلام عليكم ورحمة الله وبركاته

يا الله حيكم يا عيال العم هلا فيكم

ماجد بن صالح التماري

05-03-2008, 01:08 AM

الله يعطيكم العافية جميع

اخوي ولد الحناكية العذر م الله ثم منك
لاني ماقرئت ردك الا متاخر بسبب انشغالي خارج المنتدى

بخصوص يالغالي الدعم

سبق وتكلم فيه الجميع وهذا شيء ليس اجباري
من يستطيع الدعم بيض الله

والاحتفال ان شاءالله انه بيظهر بالشكل المناسب والمشرف

خزي نت

05-03-2008, 10:01 PM

والله السوال صعب فيه اختيارات

ولد شليان

14-03-2008, 04:50 PM

أحم أحم السلام عليكم

ماعليش على التاخير ياعيال العم في محلكم ياولاد الخشيم فناجيلكم يارجال تقهوه

الله حيه وش علومكم

عياد الشلياني

19-03-2008, 09:46 AM

بخير ياولد اشلاين واخبارك وعلومك وعلوم الربع

اللي بعدي وش اخبارك وسؤال بسيط

وش اصعب موقف مر عليك منذ الصغر حتى الوقت الحالي؟

هنري القصيم

20-03-2008, 12:53 PM

الحمد الله بخير ,
اصعب موقف مريت عليه اني داخل منتدى مخلف الحين .
الي بعدي مين أغبى عضو في المنتدى؟
مع تحيات /
هنري القصيم ...

راعي الهلي

20-03-2008, 09:06 PM

الاسم" محمد خالد بن العبد المخلفي

من محافظه الحناكيه

طالب

مافيه برد الا الفجر وانا رايح الحراج

راعي الهلي

20-03-2008, 09:10 PM

محمد خالد بن العبد المخلفي

من الحناكيه

طالب واخر سنه

بريد وشويه هوا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

راعي الهلي

24-03-2008, 09:27 PM

وعليكم السلام ورحمه الله وبركاته (راعي الهلي)

يا هلا بربعي مخلف وسبعه انعام

الاسم" محمد بن خالد بن العبد المخلفي

من محافظة الحناكيه

لااعمل طالب

البرد مافيه برد بس بريد

راعي الهلي

24-03-2008, 09:31 PM

وش السالفه الموقع ليش مقفل له يومين

(الذيب)

24-03-2008, 10:04 PM

يقولون فيه تعديلات وماشفنا شيء لكن انا ودي اعرف من القايمين بهالمنتدى

ولد شليان

25-03-2008, 04:19 AM

الرحــــــــــــــــــــــــــــــــــــــــــــــ ـــــــال

ولد شليان

25-03-2008, 04:21 AM

الذيــــــــــــــــــــــــــــــــــــــــــــــ ـــــــــــــب

راعي الهلي

25-03-2008, 09:00 PM

السلام عليكم انا جديد فالموقع عطونا وجه

فتى حنذ

25-03-2008, 09:58 PM

يامرحبا يا راعي الهلي

انوار الخير

26-03-2008, 05:11 AM

هلا ممكن اشاركم بالدردشه مواضيعكم حلوه بس. وش سبب منع البنات من المنتدى؟؟

عطيب الضرايب

26-03-2008, 05:15 AM

الاخطاء الاملائيه الكثيرة هههههههههههههههههههههه

الــرحــالـ

26-03-2008, 05:37 AM

هههههههههههههههههههههههه عين الصواب ياغلاهم

الــرحــالـ

26-03-2008, 05:38 AM

الرحــــــــــــــــــــــــــــــــــــــــــــــ ـــــــال

امر ياخلفهم

الــرحــالـ

26-03-2008, 05:41 AM

يالي هنا يلي هنا

الــرحــالـ

26-03-2008, 05:42 AM

ندا للي في المنتدى

الــرحــالـ

26-03-2008, 05:43 AM

شكلي سوفا اطس

انوار الخير

26-03-2008, 05:44 AM

بــدري وتـو النـاس ياشـمـعـة الجـلاس

الــرحــالـ

26-03-2008, 05:45 AM

اي بدري واي خرابيط لي ساعة انادي محد يرد :(

انوار الخير

26-03-2008, 05:46 AM

توي جايه للدردشه ووشبك معصب

الــرحــالـ

26-03-2008, 05:47 AM

معصب :confused:

انوار الخير

26-03-2008, 05:49 AM

ايـــه من ردك اللي قبل شوي

عطيب الضرايب

26-03-2008, 05:49 AM

بفرق لا تتطاقون اهم شي لاخلاق وحب الوطن

انوار الخير

26-03-2008, 05:50 AM

ههههههه ايه اسمع كلام عطيب الضرايب الا وش معنى اسمك عطيب

الــرحــالـ

26-03-2008, 05:50 AM

هههههههههههههههههههههههههههه

ومن قال انا بنتطاق

اقول يالله بس رح ارقد هــــع :d

عطيب الضرايب

26-03-2008, 05:52 AM

عطيب الضرايب

لاتعليق لان التعبير بيخوووووووووووووووون باتعريف عن الاسم الذي يشمل جميع الامور التي تتعلق بي

إذا فهت شي قلي

عطيب الضرايب

26-03-2008, 05:53 AM

عطيب الضرايب

لاتعليق لان التعبير بيخوووووووووووووووون باتعريف عن الاسم الذي يشمل جميع الامور التي تتعلق بي

إذا فهمت شي قلي

انوار الخير

26-03-2008, 05:53 AM

ولا شيء

الــرحــالـ

26-03-2008, 05:54 AM

ههههههههههههههههههههههههههههههههههه

عاش مصرف اقرب مخرج

خخخخخخخخخخخخخخخخخ

انوار الخير

26-03-2008, 05:57 AM

الرحال بصراحه تصميماتك روعه انت تسويها بنفسك

عطيب الضرايب

26-03-2008, 05:57 AM

مزري اكتب وبعدين وراك مدرسه فسحتك وتوكل

الــرحــالـ

26-03-2008, 05:58 AM

هذا من ذوقك والله

وايه انا الي اسويها اجل جدتي :d :)

انوار الخير

26-03-2008, 05:58 AM

هههههههههههههه

الــرحــالـ

26-03-2008, 05:58 AM

الله يلعن بليسك يولد استر علي تكفى

الــرحــالـ

26-03-2008, 06:00 AM

اقول يالله انا استأذن

وانت ياعطيب الضرايب تدري وين بروح بس لا تقول لحد استر علي :d :) نكفى

انوار الخير

26-03-2008, 06:00 AM

ههههههه ماوراكم اشغال او شكلكم عاطلين عن العمل مؤقتاً بسبب المنتدى

الــرحــالـ

26-03-2008, 06:00 AM

هههههههههههههههههههههه

خلاص وش عقبة

الــرحــالـ

26-03-2008, 06:01 AM

لا والله وراي مدرسة ووجع راس

عطيب الضرايب

26-03-2008, 06:02 AM

نحن عسه في المنتدى نصول ونجوووووووووووول

انوار الخير

26-03-2008, 06:02 AM

وين بدري غيب اليوم

الــرحــالـ

26-03-2008, 06:03 AM

عطيب الضرايب

مع السلامة اشوفك بالمدرسة

الــرحــالـ

26-03-2008, 06:04 AM

اغيب عشان سواد عيونك

لا والله المدرسة ازين من مقابل وجهك هههههههههههههههههههههه :)

انوار الخير

26-03-2008, 06:04 AM

هههههه يعني انتو الأثنين طلاب

الــرحــالـ

26-03-2008, 06:05 AM

ايه بفصل واحد بعد

عطيب الضرايب

26-03-2008, 06:05 AM

هههههههههههههههههههههههههههههههههههههههههههههههه

الله يرجك اي مدرسه عصير ابو نص وسندويش بيض مسلوق

انوار الخير

26-03-2008, 06:06 AM

هههههههههههههههههههههه حلوه لاتحرج الشاطر

عطيب الضرايب

26-03-2008, 06:06 AM

الوعد في الفسحه

الــرحــالـ

26-03-2008, 06:09 AM

يالله مع السلامة

اقابلك بالمدرسة لا تغيب ....... ..... خلاص

انوار الخير

26-03-2008, 06:09 AM

طيب تعرف مين رئيس المنتدى عشان مايحذفوني من المنتدى

عطيب الضرايب

26-03-2008, 06:10 AM

نعرف مدير المدرسه وعريف الفصل ومدرس الرياضة صديق رحاااااااااااااااااااال

انوار الخير

26-03-2008, 06:12 AM

شكله لاعب رحال هههههههه

عطيب الضرايب

26-03-2008, 06:13 AM

ايه حاااااااااااااااااااارس

عماره ههههههههه

انوار الخير

26-03-2008, 06:15 AM

ههههههه مصرفينوه حارس

انوار الخير

26-03-2008, 06:16 AM

وراك شيء اليوم تراي فايقه كل الصبح ابقضيه بهالمنتدى

عطيب الضرايب

26-03-2008, 06:17 AM

احسن من اللي مايلعبون

انوار الخير

26-03-2008, 06:23 AM

أتابع شاعر المليون؟شفت بدر الظاهري شنو شعورك وقت ماتأهل

عطيب الضرايب

26-03-2008, 06:26 AM

هلابك شعوري شعور اي هلالي ضامن المباراه بقدرت قادر

(الذيب)

26-03-2008, 07:26 AM

راحت مرواح خلي ماتشوفون شر

الــرحــالـ

26-03-2008, 03:13 PM

السلام عليكم كيفكم جميعآ

الــرحــالـ

26-03-2008, 03:15 PM

اليوم مبارة المنتخب السعودي ادعو ان المنتخب يفوز

يارب

الــرحــالـ

26-03-2008, 03:18 PM

شكل ماعندي احد يالله مع السلامة اجل :d

(الذيب)

27-03-2008, 12:55 AM

جيتك بس بعد ايش صح مبروك الفوز للمنتخب 3\0

الــرحــالـ

27-03-2008, 10:00 AM

هلا والله يالله حيها من جديد

الــرحــالـ

27-03-2008, 10:00 AM

ويالذيب الله يبارك فيك :(

هذي حال الكورة

الــرحــالـ

27-03-2008, 10:01 AM

يوم لك وعشر ايام عليك

الــرحــالـ

27-03-2008, 10:51 AM

توني مسوي ردود مدري وين راحت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الــرحــالـ

27-03-2008, 11:14 AM

هلا والله يالغلا هلا ومليون هلا

الــرحــالـ

27-03-2008, 11:26 AM

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

(الذيب)

27-03-2008, 12:43 PM

مساكـــم الله بالخير جميعاً من اكبركم الى اصغركم

الــرحــالـ

27-03-2008, 12:45 PM

مساك الله بالنور والسرور يالله حية

(الذيب)

27-03-2008, 02:45 PM

يالله يبارك فيه كيف حالك يالذيبان وين الربع الظاهر مرقدين او حنا نهارنا ليل وليلنا نهار

الــرحــالـ

27-03-2008, 03:27 PM

ههههههههههههههههههههه

والله مدري عن هالشلة :cool:

اهم شي يالغلا انت طيب وماعليك ؟

الــرحــالـ

27-03-2008, 08:31 PM

الوووووووووووووووووووووو يالي هووووووووووووووووووووون ؟

الــرحــالـ

27-03-2008, 08:32 PM

السلام عليكم يالي هونية <<< وش عندة ابو الشباب :d

كيفكم عساكم تزقحون << دوم يارب

(الذيب)

28-03-2008, 01:54 AM

عساها ماتدوم هالحاله يالرحال الله يشفيك انشالله

(الذيب)

28-03-2008, 11:00 AM

ياولد مافيه احد وينكم والله من هالنوم اللي ذبحكم >>>19 ساعه صاحي خطير صح
اللي مر على الموضوع يررررد فاضي ماوراي شيء

الــرحــالـ

28-03-2008, 01:44 PM

هلا هلا يالذيب ارررررحــــــــــــــــــــــــــــب :d

صقرمخلف

28-03-2008, 02:00 PM

ارسل معك على الخط

حووووووول

طاط طاط طوط طوط

ارسل

الــرحــالـ

28-03-2008, 02:06 PM

هلا وغلا فيك يا صقر مخلف

اررررررررررررحب

صقرمخلف

28-03-2008, 02:06 PM

الخط واضح

الــرحــالـ

28-03-2008, 02:09 PM

الخط ؟؟؟؟

شكل فيوزاتك ظاربة ههههههههههههههههههه

صقرمخلف

28-03-2008, 02:18 PM

لا بس ارسال مافيه

الــرحــالـ

28-03-2008, 02:22 PM

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

صقرمخلف

28-03-2008, 02:36 PM

اشبك ثقيل

الفطور فول

الــرحــالـ

28-03-2008, 02:41 PM

والله اني قايل من أول

فيوزاتك ظاااااااااااااربة

خخخخخخخخخخخخخخخخخخخخخخخخخخخخخخخخخخخخـ

الــرحــالـ

28-03-2008, 04:45 PM

السلام عليكم ورحمة الله وبركاته

يالي موجيدين هون

(الذيب)

29-03-2008, 01:21 AM

ارررررررررررررررررحب مليون لاتحتروني الى من الساعه 12 وراء هلا بالرحاااااااااااال غبت ساعات كنك غايب سنه

ولد شليان

29-03-2008, 02:16 AM

السلام عليكم ورحمة الله وبركاته

(الذيب)

29-03-2008, 03:58 AM

وعليكم السلام ورحمة الله وبركاته هلا ومرحبا حييييييييت

عطيب الضرايب

29-03-2008, 04:08 AM

الذيب الليل ياذيبان وشي علومك

إبن العيثمة

29-03-2008, 04:11 AM

عطيب الضرايب وش مسهرك الى هالحين ورى مارقدت

عطيب الضرايب

29-03-2008, 04:14 AM

الليل والخيل والمنتدى يعرفني ............اني من 12 الى الفجر عسه

العلم انت اللي وراك دوام والا انا تعرف دوامي متى

إبن العيثمة

29-03-2008, 04:17 AM

قمت اتهجد واصلي (واحد نصاب)

وقلت بالمرة خلني اشقر على عيال عمي بالمنتدى

عطيب الضرايب

29-03-2008, 04:22 AM

الله يثيبك صدقتك

العلوم اخبار الربع عني سؤاااااااال

ليش والى متى بنشرب بكزازة الجينه ؟

إبن العيثمة

29-03-2008, 04:26 AM

كلهم تمام ويسالون عنك

والليلة بيجوني بعد المغرب الله يحييك

وان شاء الله بعدها بنشرب بالغضار

عطيب الضرايب

29-03-2008, 04:31 AM

الله يبقيك إن شاء الله أني بجي

(الذيب)

29-03-2008, 04:36 AM

الليل والخيل والمنتدى يعرفني ............اني من 12 الى الفجر عسه

العلم انت اللي وراك دوام والا انا تعرف دوامي متى

صح لسانك ياعطيب المتنبي ..نفس الوضع بالظبط اجل اتحراك الصبح

عطيب الضرايب

29-03-2008, 04:40 AM

انا حدي 6 ,7 وعقبها يطيح وجهي امرح

(الذيب)

29-03-2008, 04:53 AM

وشدعوه متى قمت عشان تنام بدري تكفى خلك صاحي اخاف لحالي:o:o

عطيب الضرايب

29-03-2008, 05:52 AM

الله واكبر يالله حن قلبي الفطور عليك

(الذيب)

29-03-2008, 08:05 AM

مادام فيه حساب اقول ارقد ابركلي وابرك لك احلام سعيده انسى الفطور

عطيب الضرايب

29-03-2008, 09:02 AM

الذيب ماااااااااااااااش لكن بصير اطيب منك تعشى معي يوم 18/4 لزوووووووووم قل تم

(الذيب)

29-03-2008, 09:53 AM

اتعشى !!حنا بالصبح قل افطر يوم 18\4 اقولك تم<<<<<<أذكى منك غلبتك

الــرحــالـ

29-03-2008, 02:19 PM

السلام عليكم ورحمة الله وبركاته

يالله حي الموجيدين

كيف حالكم ؟

(الذيب)

29-03-2008, 02:35 PM

يامرررررررحبا يالرحاااااااال وينك توك توصل عاد هذا انا ابنام يالرجال الصبح مخليني لحالي:(:(

الــرحــالـ

29-03-2008, 02:50 PM

هلا والله يالذيب

اخبارك عساك طيب

والله تعرف الصبـــــــــح عندي اشغاااااااااااااااااااااااااااال .............. !!

الــرحــالـ

29-03-2008, 02:51 PM

اذا كنت بتنام نوم العوافي

احلام سعيدة :D :D

وترا الصلاه معنا <<<<< :p :p :p

(الذيب)

29-03-2008, 03:36 PM

معكم طلعوهااااااااااااااااا

الــرحــالـ

29-03-2008, 03:49 PM

ههههههههههههههههههههههههههههههههههه

تلقاها بالمسجد

رجعناهاااااااااااااااا

(الذيب)

30-03-2008, 04:14 PM

ياولد ياولد ياولد دررررررررررررررررررب

الــرحــالـ

30-03-2008, 04:53 PM

السلام عليكم ورحمة الله وبركاته

كيفكم يا عيال العم ؟

عساكم تزقحون :d

؟

همس المشاعر

30-03-2008, 05:05 PM

هلا ومرحبا

مثل البارح

(الذيب)

30-03-2008, 05:16 PM

من قال ناسيك من قال محبوبك نسااااك

ولد شليان

30-03-2008, 05:57 PM

الذيـــــــــــــــــــــــب

(الذيب)

31-03-2008, 08:51 AM

يالبيه سم امر تدلل لو جت متأخره

الــرحــالـ

31-03-2008, 01:18 PM

السلام عليكم ياللي موجيدين هنا

كيفكم عساكم طيبين ؟؟؟

الــرحــالـ

03-04-2008, 06:55 PM

الف مبروك فوز النصر

وانشاء الله تاخذون البطولة كــل عشر سنواتـــ :d هههههه

اللهم آميــــــن

عطيب الضرايب

03-04-2008, 07:00 PM

الرحال بلا استهبال

لكن يقولون سبب ذرات الغبار في الرياض هو بسبب ظهور اعلامي النصر من الارشيف

انبسط واضحك

الزعيم

04-04-2008, 02:59 AM

مساء الخير احبابي

كيفكم كبيركم وصغيركم

الــرحــالـ

04-04-2008, 02:54 PM

هلا وغلا يالله حيك

الـــــــــــــــــــــــــــــــــــــــزعـــــــ ـــــــــــــــــيـــــــــــــــــــــــــم

(الذيب)

04-04-2008, 05:22 PM

مسااكم الله بالخير عدنا اليكم من جديد كيف حالكم عساكم بخير دووووم يارب وحظ اوفر بخروج بدر الظاهري الحربي وبعد حظ اوفر بهزيمة الهلال <<<كل هذا حصل بغيابي لو كنت داري ماغبت عنكم :d :d

الــرحــالـ

04-04-2008, 11:31 PM

هلا وغلا

ومرحــبــتــيــن

يالله حي الذيب

الف حمد لله على الــــسلامة

نورة المنتدى يالغلا

ولد شليان

04-04-2008, 11:33 PM

حيااااااااااااااااااك الله يالذيب

اشوا ماتخرت بعد والا كان ................... الله يستر

وحياالله الرحـــــــــــــــــــــــــــــال

الهرفي

05-04-2008, 05:43 PM

اشكرك على الفكره يااخي ماجد لكن لو كانت دردشه صوتيه افضل واقترح ان تتم دردشه صوتيه
لتعرف على ابناء العم

الهرفي

05-04-2008, 05:44 PM

اشكرك على الفكره يااخي ماجد لكن لو كانت دردشه صوتيه افضل واقترح ان تتم دردشه صوتيه
لتعرف على ابناء العم

(الذيب)

06-04-2008, 01:20 PM

مساكم الله بالخير كيفكم عساكم بخير < دوم ان شاء الله
وين النااااااااس مابوه احد

(الذيب)

08-04-2008, 08:34 PM

الليله الحلقه الأخيره لشارع الملعون اتحداكم ياخذها سعودي وامنيتي ماياخذه سعودي ودي اول سعودي ياخذ البيرق حررررربي ان شاء الله يفوز ابو يمن والا الاماراتي

ابن بعيجان الخزي

12-04-2008, 05:20 PM

hi
wel comeeeeeeeeeeeeeeeeeeeeeeeeeeee

(الذيب)

14-04-2008, 09:47 AM

مبرووووووووووك الف مبروك لكل من ينتمي للزعيم الهلال بمناسبة تحقيق الدوري وحظ اوفر لكل اتحادي ونصراوي << غثهم الزعيم ...وبصراحه فوز الهلال يحسب للدعيع والفريدي وتفاريس وعزيز غيرهم ماسوو شيء

الــرحــالـ

14-04-2008, 04:08 PM

السلام عليكم ورحمة الله وبركاته

الله يبارك فيك يالذيب

وانا من كل قلبي ابارك واهني كل هلالــــي

الف الف الف مليون مبروكـ

http://www.t7mel.com/Files4/ff2106831f.gif

نمر السوافر

18-04-2008, 06:11 AM

كلهم مسوي شي الا واحد نسيته ياالذيب
الرجل الخفي(( الـــــــــــحــــــــظ))

الــرحــالـ

18-04-2008, 02:54 PM

الف حمدلله على السلامه اخوي

ماجد بن صالح التماري

لابأس طهور إن شاء الله

عطيب الضرايب

18-04-2008, 03:04 PM

الرحاااال وين الناس يا القاطع

الــرحــالـ

18-04-2008, 03:18 PM

النااس ببيوتهاااا << هههههههههههه:d يالقاطـــ ع

الــرحــالـ

18-04-2008, 11:48 PM

ابارك للاخ الغالي

ابو سلمى

على المولود

وجعله الله مولود خير وبركه ونفعك به

تقبل خالص تحياتي
اخــوكـ> الــرحـالـ،

صالح عشيشان ماطر المخلفي

21-04-2008, 04:16 AM

صالح عشيشان الوبيري المخلفي
جده
موظف
رطووووووووووووبه

(الذيب)

06-05-2008, 08:46 AM

صباااااح الخييييييييير

شبـل الشلاوين

10-05-2008, 06:06 PM

يازين سواليفكم ياربعي مخلف تشرح الصدر وتريح البال

(الذيب)

13-05-2008, 07:39 PM

مساااااااااااااء الخييييييييييير

الــرحــالـ

13-05-2008, 09:19 PM

مساء النور والاحساس والطيبة :) :d

منور المنتدى يالذيب بوجودك

عسى ماشر >> طولت علينا والله

>> فقدناااك

الفارس

16-05-2008, 03:45 PM

صباح الخير

كيفكم
عساكم طيبين

(الذيب)

16-05-2008, 09:12 PM

صباح النور والسرور يالفارس ..بخير جعلك بخير يامرااااحب

الفارس

16-05-2008, 10:08 PM

مبروك يا الذيب التوقيع الجديد

الفارس

16-05-2008, 10:12 PM

أبغاك يالذيب على الماسنجر ضروري

أبآخذ أخبارك

(الذيب)

16-05-2008, 11:30 PM

تبشر يالفارس تامر امر

الفارس

17-05-2008, 12:52 PM

تسلم على الإضافة يالذيب

قلب مخلف

21-05-2008, 09:32 PM

مساكم الله بالخير

وشحالكم

الذيب يا ذيب وينك فيه مبطين عنك

يالربع الي يعرف ولد شليان تكفووووووووون جرووووه مع اذنه مبطين عنه

(الذيب)

21-05-2008, 11:48 PM

ههههههههههه
موجود ياقلب مخلف الله يسلمكم عطنا علومك جعله يطيب فالك

قلب مخلف

22-05-2008, 02:44 AM

بخير جعلك بخير
ياخي سلامات انقطعت فتره ولاعااااااااد تدخل

ولّا شاكلك لاقيلك وظيفه واشغلتك عنا
ههههههههههههههههه ههههههههههههههه
هههههههههههههههههه

(الذيب)

22-05-2008, 03:05 AM

هههههههههههه الله يسمع منكـ
ولاجتني وظيفه مني بناسيكـ لاتخاف
بس يالربع ماتلاحظون ان المنتدى ماتحرك جيبو مواضيع مثل اول

قلب مخلف

22-05-2008, 04:12 AM

يالذيب خلاص راحت علينا<<<<<<<<اخص يالشايب
هههههههههههه هههههههههههههههههههه
هههههههههههههههههههه

ألحين من خلي الشباب يرفعونه شوي
ههههههههههه هههههههههههههههههه
هههههههههههههههههههه

وانت اعلومك يالغلا
مبطين عن استهبالك
هههههههههههههههههههههههههههه

ولد شليان

22-05-2008, 01:26 PM

ههههههههههههههههههههههههههه

السلام عليكم ورحمة الله وبركاته

كيف حال شيابنا

وش علومكم

قلب مخلف واحد من اذني فاقده اليوم

ههههههههههههههههه

قلب مخلف

22-05-2008, 02:44 PM

ههههههههههههههههههههههههههههههههه
ههههههههههههه ههههههههههههههههههههههههههههه

هذا سوات الي مايدخل المنتدى
هههههههههههههه هههههههههههههههههههههههههه
هههههههههههههههههههههههههههه

علومك ياولد شليان وشخبارك عساك طيب

السلطاااان

22-05-2008, 03:19 PM

مدااااااااااااخله
مداااااااااااااخله
<<<<<<<<<<<<<يحسبها كنود
هههههههه

مساء الخير يالربع

انا اقول كل واحد يدخل يذكر لنا

ديرته الي هو فيها
وعلومها مع الامطار والعج

(الذيب)

22-05-2008, 08:05 PM

مدااااااااااااخله
مداااااااااااااخله
<<<<<<<<<<<<<يحسبها كنود
هههههههه

هههههههههههههههههههه
انا ديرتي نجـــد ...ولاهناك امطار الله يجيب الامطار
والعج بعض الاحيان يسير علينا
وانتم علومكم