الحميدي المخلفي
18-01-2008, 06:50 PM
اسعد الله أوقاتكم ومتعكم الله بالصحة والعافية تعرفون أن وقت الأمطار الرجال لازم
يعلم بأخبار المطر ، بتفصيل لأن الناس تستبشر بالمطر .
ولا بد للشباب من معرفة كيف ينقلون علوم المطر وأخباره إذا أحد سألهم عنه ؟؟؟
يعني موضوعنا اليوم يتكلم عن كيف تنقل علوم المطر والخير بذرابه وذكاء وبوصف يكون دقيق وفي محله .
إن اكثر الاشياء اللي تنتقد الشيبان فيها الشباب في الوقت الأخير هي جهلهم في بعض الاوصاف والمصطلحات اللي استخدامها يعتبر في بعض الاحيان ما منه بد
ومنها كيف تنقل علوم المطر والخير خاصه ان جيتهم من ديره بعيده او رحت عساس او كشات راح تواجه السؤال التالي ::
بشر ياوجه الخير عن علوم المطر ؟؟؟
هنا لازم تكون ملم في بعض الاوصاف والمصطلحات اللي تعتبر مقياس لانك ماهو معقوله تقوله المطر واجد او شوي أو مطر ما هو صاحي لان الواجد والشوي وصف عام ولا يشفي قلب النشاد واذا اللي يسأل شايب تلقاه يا بيصد عنك!!
والا يمكن يقولك منتاب من اهل العلم،،،، ومراحك زي مجيك !!!
أو لو الله اللي ما هو صاحي نعرفه !!
أو كلمة أقسى منها شوي !!
عندها يكون الواحد في موقف لا طولي ولا عرضي لايحسد عليه !!
""
""
وهذه بعض أوصاف المطر وعلومه :
مصطلح " مابل الأرض " كناية عن المطر الخفيف وتتبعها بقول من هالاقوال ماعند الله بزهيد او الله يجيب الخير
والمصطلح هذا يرمز الى ان المطر كان قليل لدرجة انه ما بل الأرض
وينقال بطريقه هاذي :
(والله مامن مطر يذكر رشه مابل الأرض وماعند الله بزهيد والله يجيب الخير ويرزق المسلمين)
(يبيض بالأرض) يعني أن المطر خفيف بحيث أن اللي يمشي مع الرش يادوب يشوف بياضه في الأرض.
تقول : جانا مطر خفيف بيض بالأرض والرزق عند الله والخير إن شاء الله مقبل .
" دم الارض " وتتبعها بقول من هالاقوال ماعند الله بزهيد او الله يجيب الخير
والمقصود منه انه بل الارض حتى تساوى لونها وصار من يرى الأرض يعرف انها مبلوله
وينقال بطريقه هاذي
والله مامن مطر يذكر سحابة دمت الارض وماعند الله بزهيد والله يجيب الخير ويرزق المسلمين
" شد الأرض " وتتبعها بقول من هالاقوال ماعند الله بزهيد او الله يجيب الخير
وشد الأرض هو انه الارض مايظهر بياضها اذا وطيت سواء كانت وطيت ادمي او مطيه او غيره ولو حفرتها بتلقى ان الماء
يكون ماتعدى نص كف هذا يقاله شد الوطي أو الأرض
وينقال بطريقه هاذي
اللهم لك الحمد جتنا سحابة طيبه ولحقت شد الأرض وان طرح الله فيها البركه وجاها رجع و ولي طيب بتحل بركتها
(الشاهد) وهو أن يكون سيل خفيف بحيث يترك له شاهدا على مجراه في الأرض .
وتقوله هكذا : يالله لك الحمد من فضل ربي جانا شاهد على الديرة كلها من كذا إلى كذا .
سيل الشغايا : يعني أنه سيل الشعبان اللي ما هي كبار
وتقول مطر سيل الشغايا وصفق السهال وإن تبع له الله فيه بركة وخير.
(المطر معاد عنه منشود) كناية عن أن المطر كثير لا تنشد في كل مكان من الأرض ، وهو كناية عن المطر الكثير والسيل الذي غطا على الأرض كلها ،، فلا تسأل عن مكان معين فالأرض كلها مسيولة ،
وتقوله هكذا : من فضل ربي المطر ما عنه منشود في كل ديرة سيل ورزق وخير أدعو عسى الله يحضر البركة بس .
هذه بعض أوصاف المطر ،، أتمنى أنني أفدتكم ،،،
وأخيرا نقول عسى الله يجيب المطر اللي ما عنه منشود ،،
آمييييييييييييييييين يارب العالمين .
يعلم بأخبار المطر ، بتفصيل لأن الناس تستبشر بالمطر .
ولا بد للشباب من معرفة كيف ينقلون علوم المطر وأخباره إذا أحد سألهم عنه ؟؟؟
يعني موضوعنا اليوم يتكلم عن كيف تنقل علوم المطر والخير بذرابه وذكاء وبوصف يكون دقيق وفي محله .
إن اكثر الاشياء اللي تنتقد الشيبان فيها الشباب في الوقت الأخير هي جهلهم في بعض الاوصاف والمصطلحات اللي استخدامها يعتبر في بعض الاحيان ما منه بد
ومنها كيف تنقل علوم المطر والخير خاصه ان جيتهم من ديره بعيده او رحت عساس او كشات راح تواجه السؤال التالي ::
بشر ياوجه الخير عن علوم المطر ؟؟؟
هنا لازم تكون ملم في بعض الاوصاف والمصطلحات اللي تعتبر مقياس لانك ماهو معقوله تقوله المطر واجد او شوي أو مطر ما هو صاحي لان الواجد والشوي وصف عام ولا يشفي قلب النشاد واذا اللي يسأل شايب تلقاه يا بيصد عنك!!
والا يمكن يقولك منتاب من اهل العلم،،،، ومراحك زي مجيك !!!
أو لو الله اللي ما هو صاحي نعرفه !!
أو كلمة أقسى منها شوي !!
عندها يكون الواحد في موقف لا طولي ولا عرضي لايحسد عليه !!
""
""
وهذه بعض أوصاف المطر وعلومه :
مصطلح " مابل الأرض " كناية عن المطر الخفيف وتتبعها بقول من هالاقوال ماعند الله بزهيد او الله يجيب الخير
والمصطلح هذا يرمز الى ان المطر كان قليل لدرجة انه ما بل الأرض
وينقال بطريقه هاذي :
(والله مامن مطر يذكر رشه مابل الأرض وماعند الله بزهيد والله يجيب الخير ويرزق المسلمين)
(يبيض بالأرض) يعني أن المطر خفيف بحيث أن اللي يمشي مع الرش يادوب يشوف بياضه في الأرض.
تقول : جانا مطر خفيف بيض بالأرض والرزق عند الله والخير إن شاء الله مقبل .
" دم الارض " وتتبعها بقول من هالاقوال ماعند الله بزهيد او الله يجيب الخير
والمقصود منه انه بل الارض حتى تساوى لونها وصار من يرى الأرض يعرف انها مبلوله
وينقال بطريقه هاذي
والله مامن مطر يذكر سحابة دمت الارض وماعند الله بزهيد والله يجيب الخير ويرزق المسلمين
" شد الأرض " وتتبعها بقول من هالاقوال ماعند الله بزهيد او الله يجيب الخير
وشد الأرض هو انه الارض مايظهر بياضها اذا وطيت سواء كانت وطيت ادمي او مطيه او غيره ولو حفرتها بتلقى ان الماء
يكون ماتعدى نص كف هذا يقاله شد الوطي أو الأرض
وينقال بطريقه هاذي
اللهم لك الحمد جتنا سحابة طيبه ولحقت شد الأرض وان طرح الله فيها البركه وجاها رجع و ولي طيب بتحل بركتها
(الشاهد) وهو أن يكون سيل خفيف بحيث يترك له شاهدا على مجراه في الأرض .
وتقوله هكذا : يالله لك الحمد من فضل ربي جانا شاهد على الديرة كلها من كذا إلى كذا .
سيل الشغايا : يعني أنه سيل الشعبان اللي ما هي كبار
وتقول مطر سيل الشغايا وصفق السهال وإن تبع له الله فيه بركة وخير.
(المطر معاد عنه منشود) كناية عن أن المطر كثير لا تنشد في كل مكان من الأرض ، وهو كناية عن المطر الكثير والسيل الذي غطا على الأرض كلها ،، فلا تسأل عن مكان معين فالأرض كلها مسيولة ،
وتقوله هكذا : من فضل ربي المطر ما عنه منشود في كل ديرة سيل ورزق وخير أدعو عسى الله يحضر البركة بس .
هذه بعض أوصاف المطر ،، أتمنى أنني أفدتكم ،،،
وأخيرا نقول عسى الله يجيب المطر اللي ما عنه منشود ،،
آمييييييييييييييييين يارب العالمين .